Google Analytics -ի 8 լավագույն այլընտրանքները
Միայն պատկերացրեք՝ Google Analytics-ն արդեն 17 տարի է, ինչ գոյություն ունի և գլխավորում է տվյալների վերլուծության և օպտիմիզացիայի համար ստեղծված մարքեթինգային գործիքների ցանկը։ Մասնավորապես՝ այն անվճար է և հարմար՝ բիզնեսի առաջխաղացում ապահովելու։ Սակայն, հնարավոր է, որ ինչ-ինչ պատճառներով այլևս չես ցանկանում կամ հնարավոր չէ աշխատել այդ գործիքով։ Հարկավոր է փոխել այն՝ գտնելով առավելագույն հարմար և անվտանգ փոխարինող տարբերակ։
Նախ հիշենք, որ Google Analytics-ն աշխատում է օգտատերերի թողած cookie ֆայլերով, որոնք հիմա ակտիվորեն սկսել են փոխարինվել տարբեր արհեստական բանականության (AI) տեխնոլոգիաներով։
Այս նյութով ընտրել ենք Google Analytics-ի լավագույն ալտերնատիվ տարբերակները՝ անվճար և վճարովի։ Եվ այսպես՝
- Fathom Analytics
- Oribi
- GoSquared
- Piwik PRO
- ChartBeat
- Matomo
- Clicky Web Analytics
- StatCounter
- Fathom Analytics
Սա գաղտնիության առումով հարմար այլընտրանք է, որը հարմար է, եթե դու փոքր ընկերություն ես ղեկավարում: Եթե քեզ անհրաժեշտ է ոչ ծավալուն կայքերի պարզ վերլուծություն, ապա այս գործիքը քեզ համար է: Fathom-ը ստեղծված է բիզնեսին օգնելու՝ օգտակար տեղեկատվություն ստանալ սեփական կայքերից։ Այս գործիքը քեզ բարդ հաշվետվություններ չի ուղարկի, այլ կօգնի հեշտ կառավարել և հասկանալ, հետևաբար նաև մշակել ստացած ինֆորմացիան՝ ի օգուտ բիզնեսի։ Այն նաև չի օգտագործում cookie-ներ։ - Oribi
Oribi-ն բաժանում է վերլուծությունը մի քանի մասի՝ ավելի հասկանալի դարձնելով դրա արդյունքները: Այս գործիքը աշխատում է որպես Google Analytics-ի ավելի պարզ այլընտրանք, այն հեշտ է կցվում, և բավական է միայն մեկ անգամ տեղադրե այն։ Սա նշանակում է, որ կարիք չկա անընդհատ թարմացումների հետևել:
Oribi-ն տալիս է այն տեղեկատվությունը, որն անհրաժեշտ է բիզնեսի առանձին ոլորտները բարելավելու համար՝ թույլ տալով վերլուծել հաճախորդների վարքագիծը և պարզել, թե ձեր լսարանի նախընտրությունները՝ հենց կայքի շրջանակներում: Հնարավոր կլինի հասկանալ, թե որքանով է արդյունավետ ձեր SEO ռազմավարությունը, թե որ օգտատերերն են գերակշռում՝ մոբայլ, թե՝ համաարգչային։ Նաև կստանաս տեղեկություններ, թե ինչու առանձին օրերի կայքն ավելի արդյունավետ է աշխատել, քան մյուս օրերին։ - GoSquared
GoSquared-ը տալիս է ինտուիտիվ ծրագրային ապահովություն այն բիզնեսների համար, որոնք ցանկանում են ընդլայնվել համացանցի միջոցով: Պարզ, բայց միևնույն ժամանակ հզոր ինտերֆեյսը թույլ է տալիս տեսնել, թե կայքում ինչն է աշխատում և ինչը բարելավման կարիք ունի: Հարթակը նախատեսված է տեղեկություն տրամադրելու այն մասին, թե ինչպես են օգտատերերը փոխազդում ձեր կայքի հետ, որպեսզի կարողանաք բարելավել ձեր կայքի քոնթենթ ռազմավարությունը և UX դիզայնը :
GoSquared-ը նաև առաջարկում է բազմաթիվ գործիքներ, որոնք կօգնեն ձեզ հետևել կոնվերսիային, չափել ROI-ն և վերլուծել օգտատերերի հոսքի աղբյուրները:
Այս գործիքը նաև հնարավորություն է տալիս կայքի բոլոր էջերի real-time վերլուծությունը տեսնել և ինտեգրել այն այլ մարքեթինգային գործիքների հետ։ - Piwik PRO
Սա Google Analytics-ի առաջին այլընտրանքային տարբեկն է, որը կենտրոնացած է տվյալների գաղտնիության պահպանման վրա։ Այն շատ հեշտ է տեղադրել և օգտագործել և ունի նաև անվճար տարբերակ։ Այն նաև հնարավորություն է տալիս սեգմանտավորել օգտատերերին, հետևել նրանց հետագծին իրական ժամանակում, մարքեթինգային նպատակների արդյունավետությունը հետևել, վերլուծել ecommerce-ի տվյալները։ - Chartbeat
Chartbeat-ը ևս հնարավորություն է տալիս օգտատերերի real-time ակտիվությունը հետևել։ Սա նշանակում է, որ հարկ չկա սպասելու հաջորդ օրվան, որպեսզի ստուգես կայքի ակտիվության վիճակագրությունը:
Այն աշխատում է կայք ներկառուցելով JavaScript-ի փոքր հատված, որը տեղեկատվություն է ուղարկում Chartbeat սերվերներին այն մասին, թե որ էջերն են սիրվել օգտատերերի կողմից, որքան ժամանակ են դրանք դիտվել և որ հղումներն են ավելի արդյունավետ։
Այնուհետև սերվերը մշակում է այս բոլոր տվյալները և ստեղծում գրաֆիկներ, որոնք ցույց են տալիս որոշակի ժամանակի ընթացքում բոլոր էջերի դիտումները: Կարող եք օգտագործել Chartbeat-ի հաշվետվությունները՝ տեսնելու օգտատերերի հետագծի միտումները և բացահայտելու այն ոլորտները, որտեղ ձեզ հնարավոր է բարելավումներ են անհրաժեշտ: - Matomo (նախկին՝ Piwik)
Matomo-ն անալիտիկ հարթակ է, որը տրամադրում է տվյալներ թե’ վեբ կայքերի, թե’ բջջային հեռախոսների վերաբերյալ: Այն բաց կոդով հարթակ է, ինչը նշանակում է, որ կարելի է անվճար է ներբեռնել և օգտագործել: Բարեբախտաբար, այս գործիքի միջոցով դուք ստիպված չեք լինի անհանգստանալ տվյլաների գաղտնիության խախտման պատճառով բիզնեսը կորցնելու մասին:
Մեկ այլ լավ նորությունն այն է, որ Matomo-ն օգտագործելիս ձեր կայքի այցելուները ստիպված չեն լինի համաձայնություն տալ իրենց cookie-ների գործածմանը։ Քանի որ այս գործիքը ցույց է տալիս, թե ինչպես խուսափել նման համաձայնություն տալուց՝ առանց որևէ օրենք խախտելու:
Matomo-ն ևս առաջարկում է real-time հաշվետվություններ և վերլուծություններ, հարմարեցված կառավարման վահանակ, ինչպես նաև՝ հաշվետվությունների արտահանում CSV կամ PDF ձևաչափով և ինտեգրացիա այլ համակարգերի հետ: - Clicky Web Analytics
Clicky-ի նման գործիքները ևս օգնում են կայքերին իրական ժամանակում վերահսկել, վերլուծել և հետևել user traffic-ը: Clicky Web Analytics-ը հետևում է ամեն ինչին՝ քլիքերից մինչև կոնվերսիաներ, էջի դիտումներից մինչև ֆորմաներ: Սա հիանալի գործիք է ցանկացած օգտատիրոջ անհատական վարքագիծը հետևելու համար:
Clicky-ը նաև թույլ է տալիս կատարել վարքագծային վերլուծություն։ Այս գործիքի միջոցով կարող ես ստեղծել user-ների հաշվետվություններ: Բացի այդ, այն առաջարկում է հեշտ օգտագործման API և SDK, որպեսզի ծրագրավորողները կարողանան հեշտությամբ ինտեգրել այն իրենց հավելվածներում և կայքերում:
StatCounter
StatCounter-ը նախատեսված է փոքր ընկերությունների համար, որոնք չունեն թվային մարքեթինգի մասնագետ: Եթե ցանկանում ես իմանալ, օրինակ, թե որքան գումար ես վաստակել նախորդ տարի՝ StatCounter-ը կատարյալ է քեզ համար:
Հավելվածը տրամադրում է օգտատերերի անհատական վիճակագրությանը հետևելու ինտուիտիվ միջոց, ինչպիսիք են օրական այցելությունները, կայքում անցկացրած միջին ժամանակը, retention-ի տոկոսը, դիտված էջերը, հղում կատարող կայքերը և այլն: Այս տեղեկատվությունը կօգնի քեզ հասկանալ, թե ինչու են կայքի որոշ բաժիններ ունեն ավելի շատ մուտքեր, քան մյուսները:
Ինչպես տեսանք, Google Analytics-ն այդքան էլ անփոխարինելի չէ։ Սակայն մի հիշեցում՝ եթե չունես մարքեթինգի մասին տարրական գիտելիքներ, անգամ ամենաառաջադեմ գործիքն իր նպատակին չի ծառայի։ Այնպես որ, ցանկալի է նախ մարքեթինգի մասնագետի դիմել, ոք կառաջարկի հենց իրեն հարմար հավելվածը, որով ինքն է աշխատում։ Չէ որ ի վերջո գործ ունենք ընկերության համբավի և անվտանգության հետ։
