Լենդինգ կայքի ստեղծում
Ունենալ լենդինգ էջ նշանակում է առաջխաղացնել ընկերությունդ՝ տարբեր ոլորտներում և լինել մրցակցային։ Մեր թիմն ապահովում է արդյունքներ։
Լենդինգ էջը փոքր ու միջին բիզնեսների համար մտածված գործիք է, որն իր մեջ անպայման կրում է գործողության կոչ։ Այն նախատեսված է ձեր ընկերության ծառայությունները կամ ապրանքատեսակը վաճառելու համար։
Նման կայքը, գլխավորապես, կազմված է լինում հետևյալ 3 կետերից՝
Լավ վերնագիր
Նշանակետին խփող տեքստ
Աչքի ընկնող դիզայն
Մեր ծրագրավորողներն, իրենց փորձից ելնելով, ավելացնում են ևս մի քանի կետեր, հիմնված պոտենցիալ հաճախորդների հոգեբանության վրա։
Օգտատերն ավելի հեշտ է ընկալում կայքում եղած ուղերձն ու ինֆորմացիան, երբ այն իր մեջ կրում է ոչ ավել, քան մի նպատակ։ Սա վերաբերում է պարզ կայքերին, ինչպիսին է նաև լենդինգ կայքը։ Այն նաև, բացի գործողության կոչ անելու կոճակից (գրանցվել, բաժանորդագրվել, զանգել, գնել), այլ հղումներ չպիտի ունենա, որպեսզի օգտատերը հասնի վերջնակետին առանց շեղվելու։
Տեքստը նման կայքում պետք է լինի պարզ, հակիրճ և ինֆորմատիվ։ Կարևոր է հստակ պատկերացնել նշված ծառայության, ապրանքատեսակի թարգեթն ու աշխատել հենց նրա համար։ Պետք է միշտ հիշել, որ լենդինգ կայքը պատրաստվում է ոչ թե ծանոթության, այլ օգտատիրոջը կոնկրետ գործողության մղելու համար։
Կայքում կարող են տեղ գտնել նաև զեղչեր, տարբեր ակցիաներ․ այն ամենն, ինչը կշարժի պոտենցիալ հաճախորդի հետաքրքրությունը։ Հաճախորդը՝ կայք այցելելով, միշտ համեմատություն է կատարում։ Հետևաբար, ձեր առավելություններն ավելի շատ պիտի լինեն։ Սակայն առավելությունները պետք է նաև վստահություն առաջացնեն։ Այս հարցում կօգնեն ճիշտ ընտրված նկարները, անհրաժեշտության դեպքում կարելի է օգտագործել նաև կարճ տեսանյութ։
Լենդինգ էջ պատրաստելու ամենապատասխանատու պահն այս ամբողջ ինֆորմացիան հավաքելուց հետո, այն ճիշտ հերթականությամբ օգտատիրոջը ներկայացնելն է։ Այն է՝ պոտենցիալ հաճախորդի մոտ հետաքրքրություն առաջացնելով՝
Ձևավորել տվյալ ծառայության պահանջ
Բավարարել պահանջն, առաջարկելով լավագույն տարբերակը
Քայլ առ քայլ մղել նրան կատարել գնում (կամ ցանկացած այլ գործողություն) հենց ՏՎՅԱԼ ՊԱՀԻՆ
