Ինչպե՞ս ստեղծել լենդինգ էջ

Ինչպես ստեղծել լենդինգ էջltbrgtnbsp| WEBSTART


Լենդինգ էջ կոչվում է կայքի այն տեսակը, որը ստեղծվում է կոնկրետ նպատակով՝  պրոդուկտի կամ ծառայության մասին ինֆորմացիա տրամադրելու և վաճառք ապահովելու համար։ Այն, հիմնականում, ստեղծում են ժամանակավոր։ Սակայն, ջնջել հետո, թե՝ ոչ, ամեն ընկերություն իր համար է որոշում։ Ինչպես ստեղծել լենդինգ էջ կուսումնասիրենք այս նյութում։

Նման կայքը, գլխավորապես, կազմված է լինում հետևյալ 3 կետերից՝

  • Լավ վերնագիր
  • Նշանակետին խփող տեքստ
  • Աչքի ընկնող դիզայն

Մեր ծրագրավորողներն, իրենց փորձից ելնելով, ավելացնում են ևս մի քանի կետեր, հիմնված պոտենցիալ հաճախորդների հոգեբանության վրա։

Օգտատերն ավելի հեշտ է ընկալում կայքում եղած ուղերձն ու ինֆորմացիան, երբ այն իր մեջ կրում է ոչ ավել, քան մի նպատակ։ Սա վերաբերում է պարզ կայքերին, ինչպիսին է նաև լենդինգ կայքը։ Այն նաև, բացի գործողության կոչ անելու կոճակից (գրանցվել, բաժանորդագրվել, զանգել, գնել), այլ հղումներ չպիտի ունենա, որպեսզի օգտատերը հասնի վերջնակետին առանց շեղվելու։

Տեքստը նման կայքում պետք է լինի պարզ, հակիրճ և ինֆորմատիվ։ Կարևոր է հստակ պատկերացնել նշված ծառայության, ապրանքատեսակի թարգեթն ու աշխատել հենց նրա համար։ Պետք է միշտ հիշել, որ լենդինգ կայքը պատրաստվում է ոչ թե ծանոթության, այլ օգտատիրոջը կոնկրետ գործողության մղելու համար։

Կայքում կարող են տեղ գտնել նաև զեղչեր, տարբեր ակցիաներ․ այն ամենն, ինչը կշարժի պոտենցիալ հաճախորդի հետաքրքրությունը։ Հաճախորդը՝ կայք այցելելով, միշտ համեմատություն է կատարում։ Հետևաբար, ձեր առավելություններն ավելի շատ պիտի լինեն։ Սակայն առավելությունները պետք է նաև վստահություն առաջացնեն։ Այս հարցում կօգնեն ճիշտ ընտրված նկարները, անհրաժեշտության դեպքում կարելի է օգտագործել նաև կարճ տեսանյութ։

Լենդինգ կայք պատրաստելու ամենապատասխանատու պահն այս ամբողջ ինֆորմացիան հավաքելուց հետո, այն ճիշտ հերթականությամբ օգտատիրոջը ներկայացնելն է։ Այն է՝ պոտենցիալ հաճախորդի մոտ հետաքրքրություն առաջացնելով՝

  • Ձևավորել տվյալ ծառայության պահանջ
  • Բավարարել պահանջն, առաջարկելով լավագույն տարբերակը
  • Քայլ առ քայլ մղել նրան կատարել գնում (կամ ցանկացած այլ գործողություն) հենց ՏՎՅԱԼ ՊԱՀԻՆ

Կարևոր է շփոթության մեջ չգցել օգտատերերին։ Գործողության կոչը ցանկալի է լինի մեկ հատ և (հիմնականում) վերջում։ Մի քանի հրահանգ մի էջի վրա (օրինակ՝ պատվիրել ապրանքատեսակ և նվիրաբերել գումար) ցանկալի չէ օգտագործել պարզ պատճառով՝ օգտատերը լավագույն դեպքում դրանցից մեկն է ընտրելու։ Հիմնականում, շփոթության մեջ ընկնելով, ոչ մի գործողություն չի էլ կատարում։

Ահա այսպիսի անհատական մոտեցում ենք մենք ցուցաբերում յուրաքանչյուր լենդինգ կայքի պատրաստմանը։


window.addEventListener('visibilitychange', function() { !function(f,b,e,v,n,t,s) {if(f.fbq)return;n=f.fbq=function(){n.callMethod? n.callMethod.apply(n,arguments):n.queue.push(arguments)}; if(!f._fbq)f._fbq=n;n.push=n;n.loaded=!0;n.version='2.0'; n.queue=[];t=b.createElement(e);t.async=!0; t.src=v;s=b.getElementsByTagName(e)[0]; s.parentNode.insertBefore(t,s)}(window, document,'script', 'https://connect.facebook.net/en_US/fbevents.js'); fbq('init', '644109783541101'); fbq('track', 'PageView'); });