Ի՞նչ է փաթեթավորման դիզայնը
Փաթեթավորման դիզայն-ն օգնում է ընդլայնել լսարանն ու դուրս գալ թվային մարքեթինգի սահմաններից՝ հասնելով նրանց, ովքեր համացանցից չեն օգտվում:
Հաճախ կարող ես լսել packaging design անվանումը։ Սա պրոդուկտի արտաքին տեսքի ամբողջական դիզայնն է։ Կարևոր է, որ այն համապատասխանի բրենդի կորպորատիվ ոճին և փիլիսոփայությանը, ինչպես նաև կարողանա ներգրավել անհրաժեշտ լսարան։
Ինչպե՞ս անել ճիշտ փաթեթավորման դիզայն
Կարևոր է, հաշվարկել անգամ այն նյութի տեսակն ու խտությունը, որով արվելու է փաթեթավորումը․ ինչ զգացողություններ և ասսոցիացիաներ է այն առաջացնելու հաճախորդի մոտ։ Հարկավոր է, որ այն օգնի գնում կատարելու որոշում կայացնել (հիշեք որակյալ գործվածքից առաջացած զգացողությունները)։
Եվ ուրեմն, նախքան փաթեթավորման դիզայնի աշխատանքները սկսելը, ցանկալի է, որ պատվիրատուն պատասխանի մի քանի հարցի․
1․ Ի՞նչ է իրենից ներկայացնում պրոդուկտը
Կարևոր է հասկանալ, թե ինչ ապրանք է ներկայացված ներսում, այլ ոչ թե պարզապես իմանալ։ Ամբողջական դիզայն ստանալու համար մասնագետն ուսումնասիրում է անգամ պրոդուկտի ու երկրի պատմությունը, գույները, էթնիկ առանձնահատկությունները ։
2․ Ո՞վ է գնորդը
Սա այն հարցն է, առանց որի չի կարելի սկսել ոչ մի մարքեթինգային գործընթաց։ Գնորդի տեսակից է կախված գրեթե ամեն ինչ։ Հասկանալով, թե ինչ է նա սիրում, ուր է հաճախում, ինչ տաիքի է, սոցիալական որ խավին է պատկանում, մենք մշակում ենք մի պրոդուկտ, որը լիարժեք համապատասխանում է նրա պահանջներին և կարիքներին։
3․ Ինչպե՞ս է կատարվելու գնումը
Օրինակ՝ օնլայն գնումների դեպքում շեշտը դրվում է գույների և էմոցիաների վրա։ Իսկ եթե հաճաճորդը դիպչելու է ապրանքին, ապա, կախված ոճից, դա պետք է առաջացնի ինչ-որ էմոցիա, որը կօգնի ավելի արագ գնում կատարելու որոշում ընդունել։ Օրինակ՝ նոստալգիա, կոմֆորտ, ռելաքս։
Աշխատանքային փուլերը
1․ Շուկայի ուսումնասիրություն
2․ Արդեն առկա փաթեթավորման օրինակներից՝ իդեալական և ամենահարմար տարբերակի նմուշի ստեղծում
3․ Տարայի և նյութի որոշում
4․ Վերջնական տեսքի ստեղծում
5․ Նկարահանում
Ու՞մ է պետք պրոդուկտի դիզայն
Եթե ունես բիզնես և զբաղվում ես ֆիզիկական ապրանքի վաճառքով, ապա քեզ հարկավոր է այս ծառայությունը։ Այն օգնում է տարբերվել շուկայում և լինել մրցունակ ու հիշվող։ Ինչն էլ օգնում է ավելացնել վաճառքները։
Նման աշխատանքների օրինակներ կարող ես գտնել մեր պորտֆոլիոյում։
