UX / UI դիզայն

Կայքի հարմար և թրենդային UX / UI դիզայն պարտադիր պայման է վաճառքների համար: Լավ UX/UI-ի oրինակները տեսեք մեզ մոտ: UX – User Experience
UI – User Interface Դրանք վեբ դիզայնի՝ միմյանց հետ փոխկապակցված 2 բաղկացուցիչներ են։ UX դիզայն կոչվում է օգտատիրոջ փորձառությունը վեբ կայք մուտք գործելու պահից, մինչև կոնկրետ գործողություն կատարելը։
UI դիզայն կոչվում է կայքում հրամանների ու պատուհանների դասավորվածությունը։ Այն պիտի մաքսիմալ պարզ ու հարմար լինի օգտատիրոջ համար։ Հաջողված UX/UI դիզայնը ենթադրում է, որ օգտատիրոջ այդ փորձառությունը միմիայն դրական է լինելու: Իսկ դա ապահովելու համար, հարկավոր է լավ ուսումնասիրել առաջին հերթին թիրախային լսարանը և նրա պահանջները։ Եվ դիզայնի միջոցով ստեղծել հարմար ճանապարհ, որով օգտատերը կհասնի (կամ կմոտենա) տվյալ պահանջը բավարարելուն։ Յուրաքանչյուր միտք, կապված դիզայնի հետ, նախ փորձարկվում է իրական օգտատերերի կողմից, ապա վերջինների մեկնաբանությունները հաշվի առնելով, թերությունները շտկվում են։ Հետո՝ նորից փորձվում, նախքան պրոյեկտն իր վեջնական տեսքը ստանա։ Ցանկալի արդյունքն ապահովելու համար, պետք է կայքի նավիգացիային ուշադրություն դարձնել։ 1․ Մենյուն պետք է գերծանրաբեռնված չլինի (4-5 կետ)
2․ Մենյուն պետք է ֆիքսված լինի, չկորի էջը թերթելուց
3․ 2 իրար կողք հրամաններից մեկը, որն ավելի կարևոր է, պիտի վիզուալ տարբերվի
4․ Քոնթենթի մի որոշ մաս ցանկալի է թաքցնել
5․ Նավիգացիայի մեջ ավելացնել «վերև» հրամանը․ օգտատիրոջը պետք է հարմար լինի ցանկացած կետից արագ վերադառնալ սկզբնակետ
6․ Օգտատերը կայքում փակուղում պետք է չհայտնվի Փաստացի, UX/UI դիզայնն ամբողջությամբ դիտարկվում է օգտատիրոջ տեսանկյունից։ Դիզայներն օգտատիրոջից առաջ է մեկ քայլով․ նա բավարարում է պոտենցիալ հաճախորդի ցանկությունները, մինչև վերջինս կհասցնի մտածել այդ մասին։ Ծանոթացեք Top 7 UI թրենդներ՝ կարևոր ցանկացած դիզայների համար