BackEnd ծրագրավորում

Back-End ծրագրավորում ծառայությունն ապահովում է կայքի անխափան աշխատանքը՝ հաճախորդի տեխնիկական հանձնարարության տրամաբանության համաձայն։

Բեքէնդ ծրագրավորման ժամանակ տրվում է ամբողջ կայքի աշխատանքի լոգիկան կոդերով։ Սա այն հատվածն է, որը չի տեսնում ո՛չ կայքի ադմինիստրատորը, ո՛չ սովորական օգտատերը։ Ամենապատասխանատու աշխատանքը կայքը ճիշտ, հարմար և ինտուիտիվ ֆունկցիոնալով զինելն է, քանի որ այդ պարագայում է տվյալ պրոյեկտը համարվում հաջողված։ Օգտատերը կամ ադմինը պետք է կայքով աշխատելիս կամ պարզապես որևէ էջ մուտք գործելիս չզգան ոչ մի տեխնիկական թերություն։ Հակառակ դեպքում կայքը «կարկատված» տպավորություն կթողնի։

Պատվիրելով մեզ մոտ միայն backend ծրագրավորման ծառայությունը, պատվիրատուն տալիս է մեզ արդեն կազմված frontend հատվածը, որի հիման վրա արդեն մեր մասնագետները հաճախորդի հետ միասին կազմում են տեխնիկական առաջադրանքը։ Աշխատանքը համարվում է ավարտված, երբ կայքի ամբողջ ստրուկտուրան և մեխանիկան իրագործված է առանց ոչ մի թերացման։ Միայն այդ դեպքում կարելի է հանձնել պրոյեկտը պատվիրատուին որպես ավարտված։

Դեպքեր են լինում, երբ պետք է ավարտել ուրիշի սկսած աշխատանքը։ Մեզ մոտ հասանելի է նաև ծրագրավորման ժամով ծառայություն։ Webstart-ի ծրագրավորողների թիմն ավարտին է հասցնում ցանկացած բարդության պրոյեկտ՝ հնարավորինս օպտիմալ ժամանակահատվածում։ Թիմի աշխատանքին հաճախորդը հետևում է թափանցիկ CRM համակարգի միջոցով։ Դա մեր քաղաքականության գլխավոր մասն է կազմում։