Bounce Rate կամ «Հետաքրքրի՛ր ինձ, եթե կարող ես»

20/05/2022 SEO
Կայքի օպտիմալ Bounce Rateըnbsp| WEBSTART


Խոսենք օգտատերերին պիտանի քոնթենթի մասին։

Ամեն անգամ ինչ-որ կայք մուտք գործելիս մենք հույս ունենք, որ քոնթենթն ու վերնագիրը համապատասխան են։ Հոգնել ենք գուշակել՝ արդյոք այս անգամ քլիքբե՞յթ է լինելու, թե՝ ոչ։ Իսկ հիմա այս ամենին նայենք հակառակ՝ մեզ արդեն լավ ծանոթ, որոնողական համակարգերի կողմից։

Ենթադրենք, 3000 հոգի մուտք են գործել կայքի որևէ էջ և անմիջապես դուրս եկել։ ԲՈԼՈՐԸ։ Սա համակարգի համար խնդրի դուրսբերում է՝ ազդանշան, որ նշված տեղեկություններն իրականում հետաքրքիր չեն թիրախային լսարանին, ավելին՝ հիասթափեցնող են նրանց համար։ Հետևաբար, պետք է տվյալ էջն այլևս ցույց չտալ օգտատերերին։ Արդյունքում, կայքը զիջում է իր դիրքերը Գուգլում կամ Յանդեքսում։

Այդ ցուցանիշը կոչվում է Bounce Rate։ Կայք մուտք գործած և «առաջ չգնացած», հենց այդժամ այդտեղից դուրս եկած օգտատերերի տոկոսային հարաբերությունը։

Ո՞րն է Bounce Rate-ի օպտիմալ տոկոսը


Ընդունված է համարել, որ օգտատերերի որոշակի քանակ այնուամենայնիվ հետ է վերադառնալու՝ այլ քոնթենթ գտնելու համար։ Ինչից բխում է, որ այդ թիվը չի կարող լինել 0։ Եթե այդպես է, մի’ շտապեք գլուխ գովել, հնարավոր է ստուգելու գործիքների մեջ ինչ-որ բան սարքին չէ։

Եվ այսպես՝

  • 26-40%-ը լավ ցուցանիշ է։ Նշանակում է, ամեն ինչ խաղաղ է և կարելի է մշակել նոր ռազմավարություն՝ այն բարելավելու համար։

  • 41-55%-ը քոնթենթի բարելավման ազդանշան է. կայքը չի’ արդարացնում միջին վիճակագրական օգտատիրոջ սպասելիքները։ Միգուցե վերնագրերն ու պարունակությունը համապատասխան չեն։

  • 56-70%-ը զգուշացում է՝ ստուգեք, միգուցե կայքը լուրջ տեխնիկական խնդիրներ ունի։

  • 70-ից բարձր ցանկացած թիվ համարժեք է SEO աղետի, պետք է արագ քայլեր ձեռնարկել՝ նախապես ստուգելով հնարավորինս և անհնարին բոլոր բաժինները, այնուհետև հերթով աշխատելով դրանց վրա։


Ցածր Bounce Rate-ի թշնամիները


Ասում էինք չէ՞, որ մոբայլ չափսերով հարմարեցված կայքերն են հաղթելու։ Չենք սխալվել 😉 Թվային աշխարհում բարձր վարկանիշ ունենալու համար պետք է խուսափել նաև հետևյալից՝

  • Ոչ ռեսփոնսիվ դիզայն
  • Վատ կարդացվող տեքստ՝ առանց նկարների և երկար նախադասություններով
  • «Ծանր» նկարներ
  • Դանդաղ բացվող էջ
  • Չբացվող նկար
  • 404 Error էջի վրա՝ երբ էջն այլևս չկա կամ լինքը փոփոխության է ենթարկվել
  • Քլիքբեյթ՝ նյութի վերնագրում՝ երբ վերնագիրը սկանդալային է, իսկ նյութ կամ չկա, կամ այն չի համապատասխանում վենագրին։ Հաստատ յուրաքանչյուրս կհիշենք գեթ մեկ նման կայք։
  • Զզվեցնող և շատ ու անտեղի գովազդ, որը փակում է էջի մեծ մասը՝ խաթարելով քոնթենթի տեսանելիությունը։


Ամփոփում


Մի խոսքով, երբ չունեք քոնթենթ մենեջեր կամ մարդ, ով հետևում է կայքի «առողջությանը», միշտ հնարավոր է նման խնդիրներ առաջանան։ Սա անընդհատ կրկնվող պրոցես է՝ հիգիենայի նման։ Այնպես որ, այդ պրոցեսին հարկավոր է տրամադրել ռեսուրս և ժամանակ, եթե ուզում ես հետաքրքված օգտատերեր ներգրավել, որոնք հեշտությամբ կդառնան մշտական հաճախորդ։

window.addEventListener('visibilitychange', function() { !function(f,b,e,v,n,t,s) {if(f.fbq)return;n=f.fbq=function(){n.callMethod? n.callMethod.apply(n,arguments):n.queue.push(arguments)}; if(!f._fbq)f._fbq=n;n.push=n;n.loaded=!0;n.version='2.0'; n.queue=[];t=b.createElement(e);t.async=!0; t.src=v;s=b.getElementsByTagName(e)[0]; s.parentNode.insertBefore(t,s)}(window, document,'script', 'https://connect.facebook.net/en_US/fbevents.js'); fbq('init', '644109783541101'); fbq('track', 'PageView'); });