Ի՞նչ է SEO-ն
Օպտիմիզացիան է որոնողական համակարգերում (Google, Yandex, Bing): Երբ աշխատում է թիմ կամ անհատ, որպեսզի կայքդ առաջին հորիզոնականներում ցուցադրվի: Օգտատերերի հարցումները պիտի լինեն ոլորտի հետ կապված և բիզնեսիդ անհրաժեշտ։ Այս ամենն ԱՌԱՆՑ ԻՆՏԵՐՆԵՏԱՅԻՆ ԳՈՎԱԶԴԻ: Մենք չենք սիրում, չէ՞, Գուգլի էջերը թերթել 😉
Եկեք ուսումնասիրենք հայաստանյան SEO-ն և ոլորտի թրենդները WEBSTART-ի SEO մասնագետների՝ Անդրեի ու Սաթիի հետ:
Ըստ Անդրեի, լավ օպտիմիզացված կայք ունենալու համար պետք է ուշադրություն դարձնել նախ՝
- Լավ քոնթենթին
- Իմաստային կառուցվածքին (սեմանտիկ միջուկ)
- Կայքի արագությանը
- Կայքում շատ և որակյալ հղումների առկայությանը
Իսկ հիմա` հարց
Ինչպե՞ս տարբերել SEO օպտիմիզացված կայքը
Կարևոր է տեսնել, թե մրցակիցներիցդ ովքեր են ինտենսիվ աշխատում կայքի քոնթենթի և օպտիմիզացիայի վրա: Մասնագետները միշտ նկատում են, թե որ կայքերի վրա են տարվում SEO առաջխաղացման աշխատանքներ: Կիսվենք մի քանի կարևոր կետերով, որոնք, ըստ մեր մասնագետների, կօգնեն տեսնել օպտիմիզացված կայքը, եթե անգամ ոլորտի գիտակ չես:
1. Մետա վերնագրեր և նկարագրություններ
Վերևում նշված օրինակը Սաթիի սիրելին է՝ մանրամասն և բազմակողմանի արված օպտիմիզացիայի արդյունք: Կոչվում է Rich Snippet, երբ երևում է ընկերության գրասենյակի տեղը քարտեզի վրա և այլ տեղեկություն: Այսինքն, որոնողական համակարգն առանձնացնում և օգտատիրոջ աչքի համար ավելի ընկալելի է դարձնում տվյալ հղումը: Հետևաբար, ավելի շատ մարդ է մուտք գործում կայք:
Կայքի «վերնագիրը» որոնողական համակարգում և գրավիչ բացատրական փոքրիկ տեքստ՝ ներքևում: Իհարկե, առանց գրագետ ու տեղին օգտագործված բանալի բառերի անհնար է հասնել ԹՈՓ արդյունքների: Մետա նկարագրությունն ու վերնագիրը հնարավորություն են տալիս օգտատերերին ավելի պարզ պատկերացում կազմել, թե ուր են մուտք գործում:
2. Հղումների կառուցվածքը
Օպտիմիզացված հղումներն ունեն այ այսպիսի տեսք: Պետք է պարզ լինի, թե կայքի որ բաժնում է գտնվում օգտատերը: Չենք մոռանում քեյվորդների մասին 🙂
3. Բանալի բառեր
Անդրեն նախ և առաջ նայում է կայքի տեքստային բովանդակությանը. կան արդյոք օգտագործված keyword-ներ: Ներքևում օրինակ է մեր բլոգից: նշված հատվածը հենց նման բառերից է բաղկացած 🙂
Ի՞նչ է պահանջում հայկական շուկան
Համընդհանուր կարևորության հարցերից՝ անցնենք մեզ: Հայկական շուկայում SEO-ն սկսել է ավելի լայն տարածում գտնել վերջին տարիներին: Ըստ Սաթիի՝ անհամեմատ ավելի բարդ է օպտիմիզացնել նոր ստեղծված հայկական կայքը՝ հայաստանյան շուկայում, քան ցանկացած այլ երկրի լոկալ շուկայում՝ անգլալեզու կայքը:
Նկատում ենք, որ վերջերս բավականին ակտիվ աճ են գրանցում հայալեզու կրեատիվ կայքերն ու լենդինգները, որոնք, երևում է, որ օպտիմիզացվում են: Մենք շատ ենք ուրախանում ցանկացած նման կայքից. առողջ մրցակցությունը միայն բարձրացնում է շուկայի որակը:
Հայկական շուկան նախ և առաջ պահանջում է շատ ավելի խորը keyword research։ Semrush, Ahrefs և այլ գործիքներից օգտվելուց զատ՝ հարկավոր է նաև խորը թեմատիկ փնտրտուքներ անել արդեն manual ձևով:
Ըստ Անդրեի՝ մարդիկ փնտրում են լատինատառ, ինչը բավականին բարդացնում է բանալի բառերի ինտեգրացիան հայատառ քոնթենթում:
Նպաստեք հայկական SEO-ի զարգացմանը, գրե՛ք հայատառ 😃
Webstart seo TEam
2022-ի SEO-ի թրենդները
Խոսակցությունները շատ էին, որ Գուգլի ալգորիթմների հաճախակի փոփոխություններից հետո SEO-ն կարող է կորցնել ակտուալությունը: Ընդհակառակը՝ ցանկացած նման զարգացում նպաստում է ոլորտի բարելավմանը, քանի որ մասնագետները սկսում են է՛լ ավելի զգոն և մանրակրկիտ աշխատել:
Ահա և SEO օպտիմիզացիայի 2022-ի թրենդային կանխատեսումները մեր մասնագետների կողմից:
- AI vs SEO?
Սա նշանակում է, որ User Experience-ն այսօր օգնում է, իսկ վաղը հնարավոր է դառնա #1 Ranking Factor-ը, հետևում թողնելով բանալի բառերի կարևորությունը: - Վիդեո քոնթենթի օպտիմիզացիան
Տեսանյութերի օպտիմիզացիան Youtube-ում և այդտեղից դուրս ավելի՛ ակտուալ է դառնում, քանի որ այսօր նման քոնթենթն ամենաշատ դիտումներն է ապահովում: - Google Search Autofill-ը
Google-ի որոնման դաշտի Autofill-ը կդառնա ավելի՛ կարևոր, քանի որ դրանից օգտվում են ավելի ու ավելի շատ օգտատերեր: Ալարկոտ ենք 🙂 - Կայքի սեմանտիկ միջուկն ու SEO-ն
Սա նշանակում է, որ կարևոր են ԲՈԼՈՐ բանալի բառերը: Բարև՛, ավելի խորը keyword research 🙂
Այս ամենը վկայում է այն մասին, որ 2022-ում, առավել, քան երբևէ, կարևոր է կայքի ամբողջական օպտիմիզացիան, և եթե դա չանես հիմա՝ հետո, հնարավոր է, արդեն ուշ լինի:
