Երբ օպտիմիզացնում ես միայն տեքստը, կայքի մի որոշ հատված մնում է աննկատ Գուգլի, Յանդեքսի կամ այլ որոնողական համակարգի կողմից։ Անարդյունավետ SEO-ն հենց դա է։
Չէ՞ որ կայքի օպտիմիզացիան պիտի օգուտ տա, հակառակ դեպքում՝ իզուր են գործադրած բոլոր ջանքերը։ Այստեղ տեղին է «Ամեն ինչ կամ ոչինչ» կարգախոսը։
Եթե հետևում ես մեր գրառումներին, ապա արդեն գիտես, թե ինչ է հարկավոր օպտիմիզացված կայք ունենալու համար։ Այժմ, մի փոքր ավելի մանրամասն քննարկենք քոնթենթն իր բոլոր ճյուղավորումներով։
Ի՞նչ անել, որ քոնթենթ օպտիմիզացիան արդյունավետ լինի
Արդյունավետ օպտիմիզացիան ամբողջական SEO-ն է։ Երբ գործի ենք դնում հնարավոր բոլոր լծակները։ Ի՞նչ ոենք տեսնում ցանկացած կայքում՝
- Տեքստ
- Նկարներ
- Անիմացիա (ըստ պահանջի)
- Տեսանյութեր (ըստ պահանջի)
Դե, տեքստի հետ ամեն ինչ պարզ է․ բանալի բառերը փրկում են իրավիճակը, քանի որ crawler-ներն ու spider-ները հենց տեքստի միջից են գտնում ազդանշաններ՝ կայքը թոփ հորիզոնականներ բարձրացնելու համար։
Իսկ ինչպե՞ս օպտիմիզացնել նկարները
Ինչպես նշեցինք, որոնողական համակարգերը ԴԵՌ հասկանում են միայն տեքստային ինֆորմացիան, այնպես որ պետք է ամբողջն իրենց բացատրել։
Դրա համար ստեղծվել են ալտ թեգերը (Alt Tag)՝ ալտ տեքստերով (alternate text)։
Դրանք տեքստային նկարագրություն են, թե ինչ կա նկարի մեջ։ Ցանկալի է ալտ թեգերում ևս ներառել բանալի բառեր։ Վերջիններս կայքի կոդի հատվածում են գրվում կամ ադմին պանելից և պետք է չկրկնվեն։
Վորդպրեսով ստեղծված կայքերի դեպքում դա շատ հեշտ է տեսնել՝
Ալտ տեքստերը նաև օգնում են կայքի դանդաղ բեռնվելու ժամանակ։ Այդ դեպքում նախքան նկարի երևալը, օգտատերը կարդում է նկարագրությունը։
Ի՞նչ անել, եթե ունես վիդեո քոնթենթ, որը ևս պետք է օպտիմիզացնել
Յութուբ օպտիմիզացիային դեռ կանդրադառնանք հաջորդ նյութերից մեկում, իսկ հիմա պարզենք, թե ինչ է հարկավոր video SEO-ի համար, երբ տեսանյութդ տեղադրված է հենց կայքում՝
- Վիդեոյի վերնագիրը
Բանալի բառերով, էմոցիոնալ և ոչ քլիքբեյթային անուն է պետք մտածել, որը կգրավի թիրախային լսարանիդ։ - Նկարագրությունը
Անպայման գրել բանալի բառերով և իմաստալից, սակայն ոչ շատ երկար բացատրություն, թե ինչի մասին է տեսանյութը։ Անհրաժեշտության դեպքում այդտեղ կարելի է ավելացնել նաև կոնտակտային տվյալներ։ - Երկարությունը
Ստուգիր, թե քանի րոպեն կամ վայրկյանն է օպտիմալ քո լսարանի դեպքում, որպեսզի չզզվացնես երկար ու անիմաստ նյութերով և նրանք չլքեն կայքը։ - Գործողության կոչը
Ներառիր այնպիսի Call To Action, որ ապահովես ցանկալի վաճառքդ։ Այսինքն, տեսանյութդ ծառայի իր նպատակին։ - Նյութի մետա վերնագիր և նկարագրություն
Եթե այն բլոգփոստ է կարելի է նշել, որ ներսում կա տեսանյութ, իսկ միայն տեսանյութը, սովորաբար, չի ունենում մետա նկարագրություն, եթե առանձին էջում չի տեղադրված։
Համոզվեցինք, որ ճիշտ են «Content is a King!» Ասողները, այնպես որ, ուշադիր լինենք այսուհետ, որ մեր կայքերը լիարժեք օպտիմիզացիա արվեն։
Իսկ թե ինչու ենք այդքան վստահ նման խորհուրդներ տալիս՝ կարող ես տեսնել մեր պորտֆոլիոյում 😉
