Պատկերացրու՝ մտնում ես կայք ու դաաաանդաղ բեռնվող նկարի կեսն ես տեսնում։ Ի՞նչ կանես։
Գրեթե յուրաքանչյուր օգտատեր նման իրավիճակում կայքից դուրս կգա և կվերադառնա Գուգլ կամ այլ որոնողական համակարգ՝ փնտրտուքները շարունակելու համար։ Ի՞նչ պիտի անի լավ SEO մասնագետը։ ԹՈՒՅԼ ՉՏԱ, ՈՐ ԴԱ ՏԵՂԻ ՈՒՆԵՆԱ։
Դրա համար հարկավոր է բարելավել կայքի և էջերի արագությունը (pagespeed, site speed), որոնք նույն բանը չեն։
Կայքի արագությունն ամբողջական ցուցանիշ է, այն կախված է էջերի բեռնման արագությունից և դիտումների քանակից։
Էջի արագությունն արդեն կախված է ժամանակից, որի ընթացքում այն բեռնվում է։
Հիմա քայլ առ քայլ ասենք, թե ինչ է հարկավոր շատ արագ աշխատող կայք ունենալու համար
- Թեթևացնում ենք նկարները
Սա նշանակում է, որ ցանկացած ֆորմատի ֆոտոները պետք է լինեն մինչև 300kb ծավալով՝ առանց որակի վրա էական ազդեցություն թողնելու։
Դրա համար կան հատուկ գործիքներ՝ օնլայն և օֆֆլայն։ - Հանում ենք տեսանյութերը
Ցանկալի է տեղադրել դրանք հղումներով՝ նախապես բեռնելով տեսանյութերը YouTube կամ այլ կայք։ - Օգտագործում ենք որքան հնարավոր է քիչ PNG
Նման ֆայլերն օգնում են կայքում անիմացիա տեղադրել, սակայն նաև ծանրացնում են էջերի աշխատանքը։
Այլընտրանքը SVG ֆորմատն է, որն ավելի լայն տարածում ունի։
- Փոքրացնում ենք JS և CSS ֆայլերը
CSS ֆայլը պատասխանատու է կայքի վիզուալ բաղադրիչների համար։ Ըստ մեր ծրագրավորողների, դա կայքի մաշկն է։
JS (JavaScript) ֆայլը կայքի մկանային համակարգին է նման։ Ապահովում է դրա ողջ ֆունկցիոնալը։
Եվ որքան բարդ ու մեծ է կայքը, այնքան ավելի մեծ է վտանգը, որ նշվածները կլինեն ավելի ծավալուն և ծանր։ Բայց կան սահմանափակումներ։ Օրինակ, Վորդպրեսսով ստեղծված կայքում այդ ֆայլերը պիտի լինեն 15kb-ից ոչ ավել։
Լուծումն այն է, որ գտնենք այդ ֆայլերն ավտոմատ փոքրացնող պլագիններ կամ գործիքներ, կամ փոքրացնենք դրանք «ձեռքով»։ - Ակտիվացնում ենք Lazy Loading ֆունկցիոնալը
Օգտատերն անզեն աչքով չի նկատի, բայց դրա օգնությամբ է, որ բացվում է էջի այն հատվածը, որն այդ պահին բեռնվում է։ Հետևաբար, պրոցեսն ավելի արագ է ընթանում։
Իրականում, արագության վրա ազդող գործոններն ավելի շատ են և, հետևաբար, շատ են այն լավացնելու տարբերակները։ Մենք ներկայացրեցինք ամենատարածված բացթողումները։
Առհասարակ, կայքի բարձր դիրքերն ապահովելու համար հարկավոր է մի շարք գործողություններ ձեռնարկել, որոնք որոնողական համակարգերի արդյունավետ օպտիմիզացիայի գլխավոր ցուցանիշներն են։ Ավելի մանրամասն իմանալու համար կարող ես կապ հաստատել մեր մասնագետների հետ կամ գտնել անհրաժեշտ ինֆորմացիան SEO-ի մասին մեր բլոգում։