Վեբ կայքի պատրաստում Ecoproject ընկերության համար
Աղբի վերամշակման կայքի ստեղծումը մեր կողմից կատարված ևս մեկ պատասխանատու աշխատանք էր, քանի որ հարկավոր էր վստահություն ներշնչելուց բացի, նաև ցույց տալ այդ գործընթացի կարևորությունը շրջակա միջավայրի մաքրության համար։
Նման կայքի ստեղծումը փուլ առ փուլ իրականացվող ժամանակատար պրոցես է, որին պետք է ցուցաբերել պատասխանատու մոտեցում։ Մեզ մոտ բոլոր փուլերը սկսվում և ավարտվում են քննարկումներով,որպեսզի վերջնական աշխատանքը բավարարի մեր հաճախորդի յուրաքանչյուր սպասելիք՝ ելնելով բիզնեսի տեսլականից։
Առաջին փուլում մենք պատվիրատուի հետ միասին կազմում ենք ապագա կայքի տեխնիկական առաջադրանքը, որն իր մեջ ներառում է այն բոլոր մանրամասները, որոնք կապված են կայքի պատրաստման ծրագրային մասի ապահովման և արտաքին դիզայնի հետ։
Այս փուլում շատ կարևոր է լսել միմյանց, կատարել սեփական առաջարկները, հաշվի առնել հաճախորդի կարիքները և դուրս բերել իր առաջ բերած խնդիրների համար ամենահարմար լուծմները։