Ապագան աներևակայելի է թվում առանց ինտերնետի, հատկապես բիզնես տեխնոլոգիաների, ծրագրային ապահովման, հավելվածների և սարքերի այսքան մեծ առաջընթացից հետո:
Այդուհանդերձ, տեխնոլոգիաների սիրահարների տեսանկյունից ինտերնետը դեռևս գտնվում է իր վաղ շրջանում, քանի որ, չնայած այն զարգացել է համեմատաբար կարճ ժամանակում, այն դեռևս շատ տեղ ունի զարգանալու համար:
Այս նյութում կխոսենք համացանցի հեղափոխական տարբերակի մասին, որը հայտնի է որպես Semantic Web կամ Web 3.0: Միևնույն ժամանակ կխոսենք Web 3.0-ի հավելվածների մասին՝ ընդգծելով Web 2.0-ի և Web 3.0-ի միջև եղած տարբերությունները և նշելով, թե ինչու Web 2.0 ծրագրավորողները պետք է սովորեն Web 3.0-ի կայքերի ստեղծում:
Տարբերությունները Web 3.0-ի և Web 2.0-ի միջև
Շատ նոր հնարավորություններ կան, որոնք օգնում են Web 3.0-ին տարբերվել այն ամենից, ինչ մենք տեսել ենք Web 2.0-ի հետ: Ամենաէական գործոնը, որը տարբերում է Web 3.0-ը, դեցենտրալիզացիան է:
Այլ կերպ ասած, Web 3.0-ն ունի՝
1. Բաց կոդով մշակման հնարավորություն
2. Վստահելի
3. Առանց թույլտվության անվտանգ ինֆորմացիայի փոխանցում
Վեբ 2.0-ում մշակված հավելվածները ստեղծվում և տեղադրվում են մեկ սերվերի վրա, և տվյալները հաճախ պահվում են մեկ տվյալների բազայում։
Ի տարբերություն դրա, Web 3.0 հավելվածները, ամենայն հավանականությամբ, կստեղծվեն դեցենտրալիզացված ցանցերի վրա, որոնք գործում են մեծ թվով հավասար սերվերների միջոցով։
Փաստացի, Web 3.0-ը ծրագրավորողներից կպահանջի ամենաբարձր որակի ծառայություն մատուցել և բարձր ապահով ապակենտրոնացված ցանց ստեղծել և կօգնի այդ հարցում։
Web 3.0 կամ Semantic Web-ը ճանապարհ է բացել հեղափոխական նշանակություն ունեցող հավելվածների համար: Վեբ 3.0-ը մարդկանց և արհեստական ինտելեկտի նման տեխնոլոգիաները միացնելու միջոց է՝ ավելի խելամիտ և անհատականացված վեբ ստեղծելու համար: Այլ կերպ ասած, Web 3.0-ը կօգտագործի AI-ի և ML-ի ներուժը՝ տեղեկատվության մշակման համար ճիշտ այնպես, ինչպես մարդիկ անում են NLP-ի և սեմատնիկ վեբի այլ հասկացությունների օգտագործման դեպքում:
Web 2.0-ը մեզ ավելի մոտեցրեց քլաուդ ցանցերին՝ միաժամանակ օգնելով, որ աշխարհն անցում կատարի բջջային հեռախոսներին։ Մյուս կողմից, Web 3.0-ն ավելի շատ AI-ի և ապակենտրոնացման մասին է: Հետևաբար, վեբ 3.0 օգտագործող աշխարհը չի կարող համակարգվել համացանցը վերահսկող մեկ կորպորացիայի կողմից:
Վեբ 2.0-ը ճանապարհ է բացել տվյալների կենտրոնների համար՝ ստեղծելու, պահելու և օգտագործելու մեծ թվով օգտատերերից ստացված տվյալները: Web 3.0-ն ունի տվյալների կենտրոնները դեցենտրալիզացված ինտերնետով փոխարինելու պոտենցիալ՝ թույլ տալով սարքավորումներին պահել տվյալները:
Web 3.0-ի ապակենտրոնացված ցանցերը թույլ կտան մարդկանց կառավարել իրենց անձնական տվյալները:
Ընդհանուր առմամբ, Web 3.0-ն այն ապագան է, որը թույլ կտա մարդկանց և մեքենաներին գործել միմյանց հետ՝ առանց որևէ երրորդ կողմի ներգրավելու: Այն կարող է նույնիսկ օգնել ստեղծելու ֆուտուրիստական վեբ, որը մարդակենտրոն է և պահպանում է իր օգտատերերի գաղտնիությունը։
Այժմ եկեք տեսնենք Web 3.0-ի ամենաարդյունավետ հավելվածները, որոնք կարող են ճանապարհ բացել դեպի նոր վեբ:
Վեբ 3.0-ն արդեն այստեղ է
Radicle-ը՝ GitHub-ի այլընտրանքը, որը հիմնված է ապակենտրոնացման վրա, նման «ապագայի» հավելվածներից մեկն է, որը շահագրգիռ կողմերին թույլ է տալիս աշխատել բիզնեսի կառավարման մոդելի վրա:
Ավելին, Gitcoin-ը ևս մեկ նախաձեռնություն է, որը թույլ է տալիս ծրագրավորողներին փոխհատուցում ստանալ բաց կոդով նախագծերին մասնակցելու համար: Audius-ի, The Graph-ի, SuperRare-ի և Uniswap-ի նման ապրանքանիշերն արդեն սկսել են թոքեններ թողարկել։
Բացի սրանից, կան ապակենտրոնացված ինքնավար կազմակերպություններ, որոնք ապահովում են Web 3.0-ի վրա հիմնված եզակի ներդրումային մոտեցում այն մարդկանց համար, ովքեր մտածել են կորպորացիայի մասին և պետք է ներդրումներ հավաքեն վենչուրային կապիտալիստներից կամ ծրագրավորողներից:
Թեև դեցենտրալիզացված կազմակերպությունների կամ DAO-ների ոլորտը չափազանց լայն է, այնուամենայնիվ, բիզնեսների ապագան արտասովոր տեսլական է ստանում Web 3.0-ով: Հետևաբար, կենսական նշանակություն ունի, որ Web 2.0 ծրագրավորողները պետք է առավելագույնս օգտագործեն դեցենտրալիզացիայի հայեցակարգը՝ ինտերնետն ավելի նեղ անձնական տարածք դարձնելով օգտվողների համար:
Իմանալով այս ամենը, առաջինն ի՞նչ մտածեցիր դու։
Հ.Գ. Այլ հետաքրքիր նյութեր կարող ես գտնել մեր բլոգում։
