wow-effect-partner-webstart vector-partner-webstart playcity-partner-webstart mayam-partner-webstart lovepizza-partner-webstart icebar-partner-webstart eda40-partner-webstart climastar-partner-webstart galdiamant-partner-webstart

ՊՈՐՏՖՈԼԻՈ

Sky Supermarket օնլայն խանութի դիզայնավորում և պատրաստում
Skysupermarket.am
Latona ծաղիկների և նվերների առաքման օնլայն խանութի պատրաստում
Latona ծաղիկների և նվերների առաքման օնլայն խանութի պատրաստում
Latona.am
Աշխատանքային հայտարարությունների հարթակի ստեղծում Rusnyanya
Աշխատանքային հայտարարությունների հարթակի ստեղծում Rusnyanya
Rusnyanya.com
Check in Armenia տուրիստական կազմակերպության օնլայն հարթակի ստեղծում
Check in Armenia տուրիստական կազմակերպության օնլայն հարթակի ստեղծում
Checkinarmenia.am
Արևային համակարգերի լենդինգ կայքի պատրաստում Solaron
Արևային համակարգերի լենդինգ կայքի պատրաստում Solaron
Տեսնել Ավելին

Այսօր խոսելու ենք թվային մայրաքաղաքի մասին, որտեղ երեկ գիտեին, թե դուք այսօր ինչ համակարգիչ եք գնելու, ինչ սմարթֆոն եք օգտագործելու վաղը և, առհասարակ, գիտեն այն ամենն, ինչ թվային աշխարհն առաջարկելու է ձեզ մոտ ապագայում։ Ոչ, այն կախարդական քաղաք չէ, պարզապես այն Սիլիկոնյան հովիտն է, որտեղ գտնվում են աշխարհի խոշորագույն բարձր տեխնոլոգիական ձեռնարկությունները՝ Google-ը, Hewlett-Packard֊ը, Yahoo!-ն, Cisco Systems-ը, Electronic Arts-ը, Sun Microsystems-ը, Nvidia-ն, Silicon Graphics-ը և այլն: 

Կալիֆորնիայի հյուսիսում` Սան Ֆրանցիսկոյի հարավային մասից աշխարհը գլխիվայր շրջում են այթի ոլորտի հսկաները։ Աշխարհի ամբողջ թվային առանցք համարվող  Սիլիկոնյան հովիտը գրավել է Լոս Ալթոսը, Պալո Ալտոն, Սան Խոսեն, Սանտա Կլարան և 20 այլ քաղաքներ, որտեղ, բացի  խոշորագույն տեխնոլոգիական կորպորացիաները , առաջին քայլերն են անում հազարավոր տեխնոլոգիական ստարտափներ։ 

Սիլիկոնյան հովիտը հասցրել է, նույնիսկ, դառնալ թանգարան բաց երկնքի տակ։ Օրինակ, ձեզ ինչ֊ որ բան հուշու՞մ է 《2066, Crist Drive, Los Altos, California US》հասցեն. հենց այստեղ է մի ժամանակ ապրել Սթիվ Ջոբսը և հարևանությամբ գտնվող ավտոտնակում Ստիվ Վոզնյակի հետ հավաքել են առաջին Apple 1 համակարգիչները։ Իսկ ամիսներ անց, նույն ավտոտնակում, ծնունդ է առել Apple ընկերությունը։

2066, Crist Drive, Los Altos, California US

Մարդկության պատմության համար բեկումնային նշանակություն ունեցող հասցեները շատ են Սիլիկոնային հովտում. իսկ ամեն ինչ սկսվեց Սթենֆորդից։

Երկրորդ համաշխարհային պատերազմից հետո համալսարանում ավելացավ ուսանողների թիվը, կտրուկ առաջացավ լրացուցիչ միջոցների հարցը։ Սթենֆորդի  ճարտարագիտության ֆակուլտետի դեկան Ֆրեդերիկ Թերմանի առաջարկով,  երկարաժամկետ վարձակալության հանձնվեց  համալսարանի հողատարածքը բարձր տեխնոլոգիական ընկերություններին և դրանով իսկ հիմք դրվեց Սթենֆորդի արդյունաբերական պարկի ստեղծմանը: Այն ուսանողներին ապահովում էր աշխատանքով, իսկ համալսարանն ինքն էր ֆինանսական աջակցություն և կրթական ծրագրեր մշակում։ Եվ, հենց Սթենֆորդի ուսանողներին էր վիճակված հիմնադրել ՏՏ ոլորտի հսկաները. Google-ի հիմնադիրներ Սերգեյ Բրինն ու Լարի Փեյջը , Ֆեյսբուք ցանցի հիմնադիր Մարկ Ցուկերբերգը, Yahoo որոնողական համակարգի հիմնադիրներից Դեյվիդ Ֆիլոն, Hewlett-Packard (HP) հիմնադիրներ Ուիլյամ Հյուլեթն ու Դեյվիդ Փաքարդը և այլ անվանի դեմքեր։ 

Ինչու՞ Սիլիկոնյան հովիտ 

<<Սիլիկոն>> բառը ծագել է քիմիական տարրերի պարբերական համակարգի 14-րդ տարրի՝ սիլիցիումի անունից։ Դա անհրաժեշտ  խառնուրդներով լեգիրացնելուց հետո օգտագործում են ջերմաէլեկտրական, ռադիո-լուսատեխնիկական սարքեր, փոխարկիչներ պատրաստելու նպատակով։ Իսկ <<հովիտ>> բառը կապվում է  Սանտա Կլարա հովտի անվան հետ, որտեղ գտնվում է Սան Խոսե և շրջակա քաղաքները։  Ի վերջո, տարածքի բոլոր բարձր տեխնոլոգիական ձեռնարկություններն անվանվեցին Սիլիկոնյան հովիտ, որն այսօր, արդեն, բարձր տեխնոլոգիական հետազոտական ձեռնարկությունների հոմանիշն է դարձել։ 

HP ավտոտնակ

Hewlett-Packard ընկերության աշխատանքային առաջին տարածքը

Սիլիկոնային հովտում առաջին ընկերությունը Hewlett-Packard-ն է, որը հիմնադրվել է 1939 թվականին։ Քանի որ Ուիլյամն ու Դեյվիդը բավարար միջոցներ չունեին գրասենյակ վարձելու համար, իրենց ընկերությունը բացեցին հենց Պալո Ալտո քաղաքի տներից մեկի ավտոտնակում՝ Սթենֆորդից ոչ հեռու, որտեղ ապրում էին այդ ժամանակ։ 

Այս ավտոտնակում կառուցված HP-ի առաջին արտադրանքը ձայնի գեներատորն էր, և առաջին հաճախորդներից մեկը, որ գնեց այս գեներատորները, Walt Disney Studios-ն էր: Գրեթե 30 տարի անց նրանք կթողարկեն առաջին մինիհամակարգիչը և ծրագրավորվող գիտական ​​հաշվիչը։

Hewlett-Packard ընկերության գրասենյակն այսօր

Փոփոխությունը լավ է: Այս համոզմունքն ի սկզբանե եղել է Սիլիկոնային հովտի նորարարական տեխնոլոգիական մշակույթի հիմքում:

1970-ականներին Սիլիկոնային հովիտ էր կոչվում Սան Ֆրանցիսկոյի թերակղզու այն շերտը, որը ձգվում էր մոտ 17 մղոն Պալո Ալտոյից մինչև Սան Խոսե և 7 մղոն արևմուտք՝ ծովածոցից մինչև Սանիվեյլ և Կուպերտինո։ Դա կոնկրետ պատմություն էր, միկրոչիպերով ստարտափների կոմպոզիտային կլաստեր, որը տվեց Սիլիկոնյան հովտին իր անունը և ընդմիշտ փոխեց հաշվողական համակարգը: 

Cupertino CA USA April 23, 2017: Aerial photo of Apple new campus building

Ինչու՞ է Սիլիկոնյան հովիտն այդքան գրավիչ ստարտափների համար․ այն իդեալական է տեխնոլոգիական աշխարհի նորարարությունների համար, քանի որ ունի անհրաժեշտ ենթակառուցվածքներ, ոլորտին համապատասխան ռեսուրսներ և արտադրողների համար անընդհատ աճող շուկա։ Ստարտափները կարող են հեշտությամբ տեղակայել համակարգերը տարածքում, քանի որ առկա են կապի բոլոր անհրաժեշտ միջոցները, կարող են հեշտությամբ գտնել աշխատակիցներ և, քանի որ Սիլիկոնյան հովիտը աշխարհով մեկ հայտնի է իր վարձակալներով և նրանց արտադրանքով, շրջակա տարածքները դարձել են վարձակալների ապրանքները վաճառելու կատարյալ շուկաներ։ 

Ներդրողների հասանելիությունը նշանակում է, որ մեծ է նաև ֆինանսական աջակցություն գտնելու հավանականությունը․ նույնիսկ, եթե ստարտափը մերժվում է տասնյակ պոտենցիալ ներդրողների կեղմից, հարյուրավոր ուրիշներ սպասում են ՝ լսելու այն։ Չնայած բազմաթիվ ստարտափ ձախողումներին, արդեն կայացած մեծ թվով ձեռնարկությունները փաստում են, որ միշտ կլինեն հաջողության պատմություններ։ Սա պարարտ հող է ստարտափների համար․ այս ոլորտում այնքան հնարավորություն և գումար կա, որ անհրաժեշտ հմտություններ, տաղանդներ և կապեր ունեցող ձեռներեցները պնդում են, որ բիզնես գաղափարներով հարստանալը միայն ժամանակի հարց է։ 

Պետք է նշել, որ Սիլիկոնային հովտում բնակարանները և, ընդհանրապես, ենթակառուցվածքները բարձր արժեք ունեն։ Նույնը նաև բժշկական օգնության, դպրոցների, հասարակական տրանսպորտի և այլ դեպքերում։ Դե, բնականաբար, այս իրավիճակը պայմանավորված է բարձր աշխատավարձերով։ 

Սիլիկոնյան հովտի այսօրվա հաջողությունների մեծ մասը հիմնված է անցյալ տասնամյակների անհավանական թվացող իրական պատմությունների վրա։ Հաջողակ դեպքերը և անցյալի ձեռքբերումները շատ ավելի շոշափելի են դարձնում ապագայում ինչ-որ բանի հասնելու միտքը։ Թվային համայնքը խրախուսում է հաջորդ սերնդին նոր նվաճումների հասնել։ 

Տեղեկատվական տեխնոլոգիաներն աշխատաշուկայում հեղափոխություն իրականացրին` առաջարկելով լավագույն օնլայն լուծումները հեռավար աշխատանք իրականացնելու համար։

Ամեն նոր ձեռքբերումով ՏՏ-ը հուշում են, որ մարդը պետք է լինի ազատ իր ընտրության և ինքնադրսևորման մեջ։ Թվային աշխարհի գործիքները հնարավորություն են տալիս աշխատասեղանը տեղափոխել մոլորակի ցանկացած անկյուն․ աշխատել տանը, մոտակա այգում, Նիագարայի ջրվեժի հարևանությամբ, Էլբրուսի լեռների վրա կամ, ասենք, հարևան սրճարանում։ Կարճ ասած, աշխատել այնտեղ, որտեղ ամենահարմարավետ միջավայրն է հենց ձեզ համար։

Քովիդ 19 համաճարակը բազմաթիվ մարտահրավերների առջև կանգնեցրեց մարդկությանը, որոնցից մեկն էլ աշխատանքը հեռավար կարգով կազմակերպելն էր։ Սակայն, մյուս կողմից, սա եզակի հնարավորություն էր, որ գործատուներն ու աշխատակիցները լայնորեն կիրառեն թվային գործիքները` ազդարարելով աշխատանքային նոր մշակույթի սկիզբը։

Եթե տարիներ առաջ շատերի  համար համացանցը ծառայում էր միայն որպես սոցիալական մեդիա հարթակ, ապա այսօր այն եկամտի աղբյուր է։

Հեռավար աշխատանքը հարմար է նաև գործատուներին, ովքեր կարող են ընդլայնել աշխատակազմի ընտրության աշխարհագրությունը և աշխատանքի առաջարկ ուղարկել աշխարհի ամենատարբեր անկյունների լավագույն մասնագետներին։

 Եկեք տեսնենք, թե ինչպես է սկսվում ընկերության աշխատանքային առավոտը։

Օնլայն կոնֆերանս գործիքի՝ Google Meet-ի միջոցով քննարկվում են աշխատանքային անելիքները, անհրաժեշտ ինֆորմացիան պահպանվում է Google Drive թվային պանակներում (ինչն, ի դեպ, կանխում է ավելորդ ծառահատումները) և փոխանցվում միմյանց Slack-ի կամ Gmail փոստի-ի միջոցով: Այնուհետև, երբ աշխատանքային քարտեզը գծված է, յուրաքանչյուրն անցնում է իրեն վստահված գործին՝ սահմանված վերջնաժամկետներում աշխատանքն ավարտելու համար։ Չէ՞ որ հեռավար աշխատանքը ևս կարող է ակնկալել թիմային մոտեցում և մեկի թերացումը կարող է ստվերել ամբողջ թիմի ձեռքբերումները։ Webstart-ի հիմնադիր Անդրեին հաջողվել է Երևան-Վանաձոր-Ֆրանսիա օնլայն կապով առողջ աշխատանքային մթնոլորտ ձևավորել։ Ընկերության համահիմնադիր Դիանան Ֆրանսիայի Տրուա քաղաքից ղեկավարում է վաճառքի թիմն ու դիզայնի մասով պրոյեկտները։ UI UX դիզայներ Նարեկն ու գրաֆիկ դիզայներ Դավիթը Վանաձորից իրականացնում են վեբ դիզայնը, կայքի և սոցիալական մեդիայի վիզուալները ևս ժամանակին հասցնում են, իսկ  Քրիստինեն Երևանի Թումանյան փողոցում իրականացնում է Webstart-ի Frontend ծրագրավորումը և այսպես շարունակ։ Այսպիսի լայն աշխարհագրությամբ աշխատելու համար ընկերությունն օգտագործում է թվային ոլորտի առաջարկած գրեթե բոլոր գործիքները, քանի որ գործունեության որորտը ներառում է վեբ կայքերի պատրաստումթվային մարքեթինգդիզայնկայքերի SEO առաջխաղացում։ Հետևաբար, յուրաքանչյուր ոլորտի պատասխանատուն, բացի իր մասնագիտական հմտություններից, յուրացնում է նաև օնլայն աշխատանքի գործիքները։ Հեռավար կատարված աշխատանքի արդյունքը խոստումնալից հեռանկարներ է կանխատեսում թվային աշխատասենյակի համար։

Հաճախ ֆրիլանս և հեռավար աշխատանքը նույնականացնում են։

Թվում է ՝ դրանք սերտորեն կապված հասկացություններ են, մինչդեռ այդպես միայն թվումն է։ Ֆրիլանս աշխատանքը ենթադրում է ինքնազբաղվածություն․ ֆրիլանսերը հաճախորդներ է փնտրում, կատարում պատվերներ, վճարվում դրա համար, հարկեր վճարում։

Հեռավար աշխատանքը վարձու աշխատանքի տեսակ է, որը գրասենյակային աշխատանքից տարբերվում է միայն նրանով, որ աշխատանքը կատարվում է ընկերության օֆիսից դուրս։ Պետք է հաշվի առնել, որ բազմաթիվ ընկերություններ հեռավար տարբերակով աշխատողից պահանջում են պարտադիր զբաղվածություն շաբաթական առնվազն 40 ժամ։ Հետևաբար պետք է հասկանաք, թե ինչ ծանրաբեռնվածությամբ հեռավար աշխատանքն է ձեզ համար ընդունելի։

Հարկ է նշել, որ աշխատելով հեռավար, պետք է մշակեք տնային գրասենյակի կարգապահության կանոններ․ դառնաք ձեր ամենակոշտ ղեկավարը, սովորեք պլանավորել, անցում կատարել առաջադրանքների միջև, չշեղվել սոցիալական ցանցերով կամ զվարճանքներով։ Պետք է հիշեք, որ դուք ձեր սեփական համակարգի ադմինիստրատորն եք, գործընկերը և օգնականը։

Եթե պատրաստվում եք աշխատել օնլայն, ապա Webstart-ի թիմը ձեզ է առաջարկում իր ամենօրյա գործիքներից մի քանիսը։

Եվ այսպես, Google Drive-ի ձեր անհատական պանակում կարող եք գրանցել դրանք․

Աշխատանքը կազմակերպելու համար՝

Asana. այս գործիքը օգնում է ձեզ ստեղծել և բաշխել առաջադրանքներ, խմբավորել դրանք, կցել ֆայլեր Dropbox-ից, Box-ից և Google Drive-ից։ Asana-ն ունի նաև օրացուցային գործառույթներ, նախագծի վահանակ և անձնական անելիքների ցանկ։

Basecamp․ սա ծրագիր է, որով կարող եք կառավարել ձեր նախագծերը, օրացույց նշել, կազմել հանդիպումների ժամանակացույց, հետևել առաջադրանքներին և պահպանել փաստաթղթերը:

Confluence. սա թիմի մենեջեր է, որը թույլ է տալիս ձեզ անհրաժեշտ բաները, օրինակ, փաստաթղթերը, նշումները, լավագույն փորձը, արտադրանքի պահանջները և այլնը պահել մեկ տեղում՝ հեշտությամբ որոնելու հնարավորությամբ։ Ի դեպ, դուք կարող եք այն ինտեգրել Giffy-ի հետ՝ արագ դասավորություններ անելու ունակությամբ։

GitHub. սա վեբ ծրագրավորողների համար նախատեսված արտադրանք․ նախատեսված է հեռակառավարման հրամաններով ծրագրակազմ ստեղծելու համար, առկա է կոդի մեկնաբանում,  բաց և մասնավոր կոդերի կառավարում։

Առցանց հանդիպումների համար կարող եք օգտագործել՝

GoToMeeting. տեսազանգի շատ հարմար գործիք է հաճախորդների կամ ձեր թիմի հետ առցանց հանդիպումներ անցկացնելու համար։ Օգտագործման եղանակը շատ պարզ է՝ սեղմեք ձեր համակարգչի, նոթբուքի կամ հեռախոսի հղմանը և ահա դուք հանդիպման եք, կարող եք կիսել էկրանը զրուցակցի հետ, պատկերների վրա նշումներ անել, ձայնագրել խոսակցությունը։

Join.me. հիանալի լուծում է հանդիպումների համար, երբ անհրաժեշտ է արագ և հեշտությամբ կիսվել էկրանով։

Skype. այո, մենք բոլորս օգտագործում ենք սա և այն հիանալի գործիք է ամբողջ աշխարհի հետ կապ հաստատելու համար։

Uber Conference. այս ծրագրի միջոցով դուք ստիպված չեք լինի գուշակել, թե ով է միացել զանգին, թե ով ինչ ասաց կամ թե ինչ է ձեր PIN-ը։ Ձեզ ընդհանրապես PIN պետք չէ, սակայն հարմար է կիսվել էկրաններով և օգտվել բջջային տարբերակից։

Թիմային աշխատանքի համար նախատեսված ծրագրերի բաժնում  նշեք՝

Slack. այս գերազանց աճող ստարտափը հիանալի է հաղորդակցության, զույգերով կամ թիմային քննարկումների համար։ Կարող եք կազմակերպել զրույցներ ըստ թեմաների և ինտեգրել ձեր աշխատանքը Github-ի, Trello-ի, Pingdom-ի և այլնի հետ։

HipChat. թիմային զրույցներ իրականացնելու համար ևս մեկ գործիք։

Sqwiggle. ոչ պաշտոնական հանդիպումների կամ ամենօրյա թիմային հաղորդակցության համար է նախատեսված այս ծրագիրը։ Այն թույլ է տալիս ոչ միայն տեսնել թիմակիցներին, այլև մի քանի րոպեն մեկ լուսանկարում է։

Աշխատանքային փաստաթղթերը կազմակերպելու համար

Google Drive. այս անվճար է, պահպանում է ձեր բոլոր փաստաթղթերը և թույլ է տալիս միաժամանակ տարբեր մարդկանց աշխատել միևնույն փաստաթղթի վրա։

Dropbox. մեծ ֆայլերը հեշտ չէ կիսվել էլեկտրոնային փոստի միջոցով և հենց այստեղ է օգնության հասնում Dropbox-ը։ Այն նաև հիանալի գործիք է ֆրիլանսերի աշխատանքը կազմակերպելու համար։ Պետք է միայն փաստաթղթերը թղթապանակներ ներբեռնել ըստ ամիսների և թարմացնել ըստ անհրաժեշտության։

Թիմը կառավարելու համար

GitHub Wiki. կազմակերպություններն օգտագործում են այս ծրագիրը՝ նորեկներին աշխատանքին ծանոթացնելու նպատակով

Harvest. ժամանակն ու ծախսերը հետևելու պարզ գործիք։ Թույլ է տալիս թողարկել հաշիվ-ապրանքագրեր, որոնք հաշվարկվում են ավտոմատ կերպով՝ հիմնվելով նախագծի ժամերի և ծախսերի վրա։ Այնուհետև ստեղծում են հաշվետվություններ։ Մուտքագրում է տեղեկատվություն լուսանկարների անդորրագրերից՝ ինտեգրված 70+ բիզնես հավելվածների հետ։

IdoneThis. ծրագիրն ամփոփագիր է ուղարկում աշխատակիցներին կատարված աշխատանքի մասին։

Հեռավար աշխատանքը մոտավորապես այս տեսքն ունի

Եվ, հենց սա է նման աշխատելաոճի էությունը՝ թույլ տալ անհատին դուրս գալ սահմանափակումներից և ինքնադրսևորվել՝ ցուցաբերելով իր մասնագիտական լավագույն որակները։

Ծրագրավորողներն առաջարկում են միջպլատֆորմայի բջջային հավելվածների ստեղծում, որը կապահովի միաժամանակ երկու օպերացիոն համակարգ: 

Ավելի պարզ՝ գրվում է ունիվերսալ կոդ, որը վերածվում է հավելվածի և՛ iOS-ի և՛ Android-ի համար։

Եվ այսպես, եկեք, նախ, հասկանանք, թե ինչպես է իրականացվում միջպլատֆորմային մշակումը

  • Գրվում է միջպլատֆորմային կոդ
  • Որոշվում է, թե որ հարթակի համար պետք է այն հարմարեցնել։ 
  • Միջպլատֆորմային շրջանակն, ինքնին, փոխարինում է իր հրամանները՝ ընտրված հարթակում ընդունված հրամաններով։
  • Ստացված կոդը պատրաստ է աշխատելու ընտրված հարթակում։ 

Կարող եք միանգամից երկու վանդակ դնել և կոդը կազմել անմիջապես iOS-ի և Android-ի համար։ Այս դեպքում ծրագիրը ունիվերսալ հրամանները հերթով կվերածի ցանկալի կոդի և միանգամից երկու հավելված կստանաք։ 

Բջջային սարքերի մշակման մեջ կան երկու միջպլատֆորմային շրջանակներ՝ React Native և Flutter: Դրանք տարբեր լեզուներով են գրված և տարբեր կերպ են աշխատում։

React Native-ը React գրադարանի մշակումն է, որն օգտագործվում է վեբ-ինտերֆեյս ստեղծելու համար։ Սկզբում React Native-ն օգտագործում էին iOS հավելվածների համար, բայց արագ հասկացան, որ այն կարող է ունիվերսալ գործիքի վերածվել և ավելացրին Android համակարգում։ 

Երբ React կոդը կազմվում է կոնկրետ հարթակի համար, JavaScript-ի բոլոր հրամանները վերափոխվում են տվյալ օպերացիոն համակարգի ներքին կառուցվածքում։ Դրա համար պատասխանատու է JavaScriptCore շարժիչը, որն օգտագործվում է Safari բջջային բրաուզերի կողմից։ Եթե գիտեք JavaScript, կարող եք հեշտությամբ հասկանալ React Native կոդը։ 

React Native-ով են գրվել բազմաթիվ հայտնի հավելվածներ՝

Skype

Uber

SoundCloud

Pinterest

Discord

Այժմ React Native-ն ավելի ու ավելի տարածված է դառնում․ այն մեծ համայնք ունի, հստակ փաստաթղթեր և ծրագրավորողների աճող պահանջարկ։ 

Flutter

Եթե React Native-ի համար JavaScript -ի իմացությունը բավարար է, ապա Flutter-ի համար հարկավոր է սովորել Dart: Այն հայտնագործվել է Google-ի կողմից՝ որպես հավելվածի արագություն։ Flutter-ի հիմնական առավելությունն այն է, որ այն JavaScript-ի միջամտության կարիք չունի։ Կոմպիլյատորն ամեն ինչ միանգամից կոնկրետ հարթակի կոդի մեջ է տեղափոխում։

Google ընկերության բազմաթիվ հավելվածներ գրված են Flutter-ով, օրինակ՝ Gmail էլ․ փոստի հաճախորդը, ինչպես նաև․

Aliexpress-ի հավելվածը

Square

Ebay

Groupon

Միջպլատֆորմային զարգացման դրական և բացասական կողմերը

  •  Առավելություններն ակնհայտ են․ նման ծրագիրը շատ ժամանակ և ջանք է խնայում։
  • Հավելվածը թողարկվում է անմիջապես iOS-ի և Android-Ի համար։
  • Կարիք չկա մտածելու, թե ինչպես ծրագրավորել ստանդարտ ինտերֆեյսի տարրերը․ ծրագիրը կարող է կարգավորել այն։ 
  • Թարմացնելիս երկու տարբերակներն էլ միանգամից ստանում են նոր տարբերակը։ 
  • Օգտատերերը ստանում են նույն ինտերֆեյսը և աշխատանքային տրամաբանությունը։ 

Սակայն, կոնկրետ նախագծում թերությունները երբեմն կարող են ավելի ուժեղ լինել, քան առավելությունները․

  • Որոշ տեղերում, այնուամենայնիվ, անհրաժեշտ է գրել <<բնիկ>> կոդ՝ յուրաքանչյուր հարթակի համար տարբեր, քանի որ ծրագիրն ամեն ինչ չէ, որ կարողանում է անել։ 
  • Ծրագրավորողը պետք է բարձր որակավորում ունենա։ Նա պետք է իմանա iOS-ի և Android-ի զարգացման առանձնահատկությունները։
  • Երբ հավելվածը չափազանց մեծանում և նոր հնարավորություններ է ավելացնում, դժվար է դառնում այն պահպանել։ 

Հաքեր․ Webview հավելվածներ

Միջպլատֆորմների մշակման ևս մեկ տարբերակ կա․ ստեղծել հավելվածներ Web View-ի հիման վրա, այսինքն՝ վեբ էջեր ցուցադրել հավելվածի ներսում։ 

Webview հավելվածներն ունեն ընտացանկ և բեռնման էկրան։ Բայց, այս <<բնիկ>> հավելվածի հիմքում բրաուզերի դատարկ պատուհանն է, որն աշխատում է ճիշտ այնպես, ինչպես բրաուզերը՝ նույն տեխնոլոգիայով, սահմանափակումներով և անվտանգությամբ։ 

Web View-ով հավելվածների հիմնական թերությունները կածխվածությունն են ինտերնետից և ոչ <<բնիկ>> ինտերֆեյսը։ Բոլոր կոճակները, բացվող պատուհանները և վանդակները պետք է ծրագրավորվեն զրոյից և փորձարկվեն տարբեր սարքերի վրա։ Իսկ եթե օգտատերը խնդիր ունի ինտերնետի հետ , ապա ընդհանրապես ոչինչ չի ստացվի։ 

Դե ինչ, iOS-ի և Android-ի սիրահարներն արդեն ինչ-որ ընդհանուր բան ունեն, իսկ IT ոլորտի ծրագրավորող-էնտուզիաստների ձեռքբերումները հուշում են, որ այն, ինչ այսօր անիրական է թվում, վաղը, անկասկած, կարող է դառնալ իրողություն։

Կոդի, տեքստի, ծրագրերի հետ աշխատանքն ավելի հարմար և արագ է կատարվում, երբ գիտես, թե որոնք են ստեղնաշարի անհրաժեշտ ստեղները (այսուհետ՝ թեժ ստեղներ) ։ Չէ՞ որ մկնիկը էկրանի կամայական կետին ուղղելը շատ ավելի երկար է, քան երկու կամ երեք ստեղների վրա ակնթարթորեն սեղմելը։ Ի վերջո, մատները տասն են, իսկ կուրսորը՝ մեկը։ 

Երևի նկատել եք, որ բոլոր պրոֆեսիոնալները, հիմնականում, ձեռքերը պահում են ստեղնաշարի վրա, միայն որոշ դեպքերում են համակարգչային մկնիկ օգտագործում, օրինակ, ինչ-որ բան նկարելու կամ տեղափոխելու համար։ 

ԵՎ այսպես, ինչպե՞ս գտնել թեժ ստեղները

Անցեք այն ծրագրի ցանկ (Menu), որով աշխատում եք: Թեժ ստեղները կգտնեք հրամանի անվան աջ կողմում։

Photoshop-ին տիրապետողները գիտեն, որ պատկերի չափը փոխելու համար անհրաժեշտ է սեղմել CMD + ALT + I և ստեղնաշարից մուտքագրել նոր պատկերի լայնությունը։

Եթե ունեք Mac OS, կարող եք ցանկացած գործողություն նշանակել տվյալ ծրագրի կառավարման վահանակի <<Ստեղնաշար>> բաժնի միջոցով։ Օրինակ, այստեղ ավելացվել է թեժ ստեղն, որն ակտիվացնում է անցանկալի նամակը <<Փոստային հաճախորդ>> ծրագրում։

Գրեթե բոլոր պրոֆեսիոնալ ծրագրերը թույլ են տալիս հարմարեցնել թեժ ստեղները ձեր ցանկությամբ։ Օրինակ, կարող եք ստեղծել վիդեո խմբագրման ծրագիր, որպեսզի տեսահոլովակներում բոլոր կրճատումները և անջատումները մկնիկի փոխարեն կատարվեն ստեղնաշարով։

Մի խոսքով, եթե թեժ ստեղներ են անհրաժեշտ, դրանք գտնելը բարդ չէ, միայն ցանկություն է պետք։

Ստեղնաշարի ամենատարածված թեժ ստեղների համադրությունն է Ctrl+Z կամ ⌘+Z: Այն չեղարկում է վերջին գործողությունը և թույլ է տալիս վերադարձնել ամբողջն այնպես, ինչպես եղել է։

Life hack Photoshop-ում․ Ctrl+Z-ը դրեք ոչ թե Undo-ի, այլ Step Backward-ի վրա․ այսպես կարող եք բազմաթիվ քայլերով տեղաշարժվել փոփոխությունների պատմության միջով։ 

Պահպանել (աշխատում է գրեթե ամենուր)` Ctrl+S կամ ⌘+S

Բացել փաստաթղթի կամ համակարգի որոնման պատուհանը ՝ Ctrl+F կամ ⌘+F

Փակել պատուհանը կամ ֆայլն ընթացիկ ծրագրի մեջ ՝ Ctrl+F4 կամ ⌘+W

Փակել ամբողջ ծրագիրը՝ Alt+F4 կամ ⌘+Q

Փոխարկել ծրագրերի միջև՝ Alt+Tab, ⌘+Tab

Մուտքագրել հրամանի կամ օպերացիոն համակարգի որոնման տող՝ Win + R կամ ⌘+Space

Հրամանի տողը շատ անհրաժեշտ է, օրինակ, եթե Mac-ում սեղմեք ⌘ + Space և սկսեք գրել ձեզ անհրաժեշտ ծրագրի անունը, օպերացիոն համակարգը կգտնի այն և կառաջարկի գործարկել։ Կարևոր չէ՝ ծրագիրը ցուցադրվու՞մ է Dock-ում, թե գտնվում է համակարգից դուրս ինչ-որ մի տեղ, թաքնված է կառավարման վահանակում կամ գտնվում է ներբեռնումների պանակում․ Mac OS-ը կգտնի և կառաջարկի բացել այն։

Սա շատ ավելի արագ է, քան անհրաժեշտ ծրագիրը կուրսորով որոնելը։ 

Կուրսորի կառավարում և տեքստի հետ աշխատանք։ 

Տեքստի մեջ կուրսորը ճիշտ տեղում դնելու համար պարտադիր չէ օգտվել մկնիկից․ Ստեղնաշարի օգնությամբ նույն գործողությունն ավելի արագ կլինի։ 

Անցնել տողի սկիզբ՝ Home կամ ⌘ + ←

Տողի վերջ՝ End կամ ⌘ + →

Անցնել մեկ բառ դեպի ձախ՝ Ctrl+← կամ ⌥+←

Անցնել մեկ բառ դեպի աջ`Ctrl+→կամ ⌥+→

Գնալ փաստաթղթի սկիզբ՝ Ctrl+Home կամ ⌘+↑

Գնալ փաստաթղթի վերջ՝ Ctrl+End կամ ⌘+↓

Ընդհանրապես , տեքստի հետ աշխատելիս հարմար է մատները պահել Ctrl-ի և CMD-ի վրա և սեղմել սլաքները։ Կնկատեք, որ շատ ավելի հարմար է կուրսորը կառավարել այս կերպ։ Իսկ եթե կուրսորը տեղափոխելու հետ միաժամանակ սեղմած պահեք Shift կոճակը, տեքստը կընդգծվի։

Ընտրել բոլորը՝ Ctrl+A կամ  ⌘+А

Պատճենել ընտրված հատվածը՝ Ctrl+C կամ ⌘+C

Տեղադրել պատճենվածը՝ Ctrl+V կամ ⌘+V

Կտրել ընտրված հատվածը՝ Ctrl+X կամ ⌘+X

Ձևաչափում

Տեքստի ձևաչափումն այն է, երբ տեքստը դարձնում ենք, օրինակ, թավ, մուտքագրում ենք այն շեղ տառերով կամ ընդգծում ենք։ Սրա համար ևս կան թեժ ստեղներ․

Դարձնել թավ՝ Ctrl+B կամ ⌘ + B

Շեղագիր՝ Ctrl+I կամ ⌘ + I

Ընդգծել՝ Ctrl+U Կամ ⌘ + U

Սա հարմար է, օրինակ, Telegram-ում, որը չունի հստակ գրաֆիկական կոճակներ թավ տեքստի համար։ 

Օգտագործելով ստեղնաշարի դյուրանցումները, ձեռքի մի քանի պարզ շարժումով կկրճատեք ձեր աշխատանքային ժամանակը։

Հույսով ենք այս հոդվածը օգտակար էր ձեզ համար։

Դեռևս 1981թ-ին ստեղծված առաջին անհատական համակարգիչները շատ պարզ ձևով էին ցուցադրում տեքստը․ բոլոր տառերը նույն չափի և ոճի էին, կարելի էր միայն տարբեր գույներ սահմանել։ Այսօր, արդեն, թվային աշխարհն առաջարկում է տառատեսակների լայն և ավելի որակյալ ընտրանի։ Թվային տառատեսակների էվոլյուցիան ավելի պատկերավոր կարող եք տեսնել ստորև։

Եվ այսպես, այսօր կվերլուծենք, թե ինչպես են համակարգիչներն աշխատում տեքստի ելքի հետ, ինչպես հաջողվեց  հասնել տառատեսակների հարթության և համաչափության։ 

Նախ, եկեք ուսումնասիրենք մի քանի հետաքրքիր փաստ պիքսելային և վեկտորային գրաֆիկայի մասին։ 

-Ռաստերային գրաֆիկան բաղկացած է կետերից․ որքան շատ կետեր, այնքան ավելի հստակ և լավ տեսք կունենա նկարը։ 

-Նման կետերը կոչվում են պիքսելներ, իսկ գիտականորեն՝ ռաստեր, այստեղից էլ  անվանումը։ 

-Եթե շատ մեծացնեք ռաստերային պատկերը, պիքսելները նույնպես կմեծանան չափերով և նկատելի կդառնան։ Որքան շատ ենք մեծացնում, այնքան ավելի շատ պիքսելներ են երևում և զուգահեռ  պատկերն ավելի վատանում է։ 

-Վեկտորային գրաֆիկան հիմնված է վեկտորների վրա՝ կոր գծեր , որոնք սահմանվում են մաթեմատիկական բանաձևերով։ 

-Երբ փոխվում է վեկտորային պատկերի չափը, բանաձևերը վերահաշվարկվում են և  կրկին տեսնում ենք հստակ պատկեր։ 

Այն տեքստը, որը տեսնում եք էկրանին , կարող էր ավելի վատ տեսք ունենալ, օրինակ այսպես՝

1980-ականների վերջին օգտագործված MS-Dos օպերացիոն համակարգի սքրինշոթը։ Տեքստն այստեղ վինտաժ և կոպիտ տեսք ունի, քանի որ այդպիսին էր տեքստի ելքային տեխնոլոգիան։

Առաջին համակարգիչներում գրված էին յուրաքանչյուր տառի գծագրերը, որոնք ցուցադրվում էին հրամանով։ Բոլոր տառերի գծագրերը նույն չափի և ոճի էին։ Օրինակ, MS DOS օպերացիոն համակարգն օգտագործում էր տառատեսակ, որը ֆիզիկապես գրված էր ձեր տեսաելքային սարքի հիշողության մեջ։ Ամենից հաճախ դա տառատեսակ էր, որը հայտնի է որպես Code Page 437: Նկարը՝ ստորև

More Perfect DOS VGA տառատեսակը հիմնված է ստանդարտ տառերի վրա , որոնք օգտագործվում են VGA-ի ժամանակաշրջանի տեսանկարահանող սարքերում։

Նման տառատեսակի առավելությունն այն էր, որ հնարավոր էր պիքսել առ պիքսել զարգացնել  յուրաքանչյուր տառը և հասնել առավելագույն ընթեռնելիության այն ժամանակվա մոնիտորների վրա։ Կարիք չկար մշակել տասնյակ ոճեր և տեքստային տարբերակներ, այնպես որ կարելի էր ընտրել մեկն ու անել այն շատ լավ։  

Բայց այս մոտեցումն ակնհայտորեն բավարար չէ, եթե ցանկանում ենք էկրանին գեղեցիկ տառատեսակներ տեսնել և , օրինակ, կայքի բովանդակության մշակում ապահովել։ Հետևաբար անհրաժեշտ է օգտագործել վեկտորային գրաֆիկա։ 

Վեկտորային տառատեսակներ և դրանց հետ կապված խնդիրը։

Վեկտորային տառատեսակներում տառերի պատկերները սահմանվում են ոչ թե պիքսելներով, այլ բանաձևերով՝ ուղիղ գծեր և կորեր։ Օրինակ, վեկտորային գրաֆիկայի միջոցով շրջանագիծ գծելու համար (ասենք դա կետ է) կարող եք օգտագործել մի քանի կորի հատվածներ՝ կառավարման կետերով։ Ստորև բերված օրինակում ութ հատվածով շրջան է գծվում։ 

Վեկտորային գրաֆիկայի աշխատանքի օրինակ․ Շրջանակը գծված է ութ հատվածներով, որոնց միջև կան լրացուցիչ ութ հսկիչ կետեր։

Վեկտորային տառատեսակների առավելությունն այն է, որ դրանք կարող են անորոշ ժամանակով չափվել՝ մեծացնել կամ փոքրացնել, և համակարգիչը կվերահաշվարկի բանաձևերը՝ տեքստը ցուցադրելու համար։ 

Խնդիրն այն է, որ տառատեսակը վերահաշվարկելիս  համակարգիչը պետք է որոշի, թե որ պիքսելները ներառի, որոնք՝ ոչ։ Դրա համար պատասխանատու են հարթեցման ալգորիթմները․ եթե դրանք լավն են, ապա տեքստը գեղեցիկ տեսք կունենա, եթե ոչ, ապա ոչ։ Եկեք նայենք տարբերակները։ 

ԱՌԱՆՑ ՀԱՐԹԵՑՄԱՆ (հակաալիզացման )

Վերցնենք վեկտորային տառատեսակը և դրա վեկտորները ծածկենք պիքսելների ցանցի վրա։ Կանոնն այսպիսին է ՝ եթե վեկտորն ամբողջությամբ ծածկել է պիքսելը, այնտեղ նկարեք սև կետ։ Եթե ամբողջությամբ չի ծածկել պիքսելը, ապա կետը սպիտակ է։ Այսպիսի պատկեր կստացվի՝ 

Կոպիտ կառուցվածք և արտեֆակտներ հակաալիզացման բացակայության պատճառով։ 

Այստեղ խնդիրը  միայն նրանում չէ, որ տառերն ունեն սուր եզրեր և սանդուղքի էֆֆեկտ։ Վատ նորությունն այն է, որ այդ ազդեցություններն անկանխատեսելի վայրերում են։ Տառերի որոշ մասեր ավելի հաստ են, մյուսները՝ ավելի բարակ և ամբողջը պատահականության սկզբունքով։ 

ՀԱՐԹԵՑՈՒՄ 

Պարզ հարթեցմամբ ալգորիթմն ավելացնում է կիսատոններ․ եթե վեկտորը ծածկում է պիքսելը 50 %-ով, ապա այս պիքսելը սև կդառնա 50 %-ով։ Որքան քիչ է վեկտորը ծածկում պիքսելը, այնքան ավելի բաց է։ Քանի որ բոլոր պիքսելները փոքր են, աչքը, հաճախ, չի տարբերում դրանք և սկսում է նկարն ավելի հարթ ընկալել։

Եթե ուշադիր նայեք, երկրորդ գիծը կարող է հարթ և սահուն թվալ։ 

Կախված գործակիցներից և ալգորիթմի պարամետրերից, նույն վեկտորային պատկերը կարելի է հարթել տարբեր ձևերով։ Դուք չեք նկատի տարբերությունը, եթե այս տեքստերն առանձին տեսնեք, բայց եթե դրանք կողք կողքի դնեք, ակնհայտ կլինի։ 

Կախված գործակիցներից և ալգորիթմի պարամետրերից, նույն վեկտորային պատկերը կարելի է հարթել տարբեր ձևերով։ Դուք չեք նկատի տարբերությունը, եթե այս տեքստերն առանձին տեսնեք, բայց եթե դրանք կողք կողքի դնեք, ակնհայտ կլինի։ 

Յուրաքանչյուր տեքստ հարթ է, բայց իր ձևով։ Չի կարելի ասել, որ որևէ տարբերակն ավելի լավը կամ վատն է, պարզապես տարբեր են։

Hinting

Հարթեցմանը զուգահեռ, ծրագրավորողները փորձել են խնդիրն այլ կերպ լուծել՝ ձախ ու աջ տեղափոխելով պիքսելները, որոնք ակնհայտորեն աղավաղում են տառը, չնայած, որ համապատասխանում են բոլոր բանաձևերին։ Սա, արդեն, բարդ խնդիր է․ յուրաքանչյուր տառի համար նշվում են այն տարածքները, որտեղ ինչ-որ բան կարելի է տեղափոխել կամ ավելացնել՝ տառատեսակի կոկիկ տեսքի համար։ Սա ավելի պատկերավոր կարող եք տեսնել նկարում։

Ձախ կողմում <<а>> տառն է , առանց Hinting-ի, իսկ աջում՝ Hinting-ով։ Տառատեսակը դարձավ ավելի ուղիղ և հեշտ ընթեռնելի, սակայն համաչափության խնդիր կա․ բոլոր խտացումները դարձան նույն չափի, իսկ տառի պոչը կորավ վերևում։ Այս տեխնիկան, հաճախ, օգտագործվում էր ավելի հին էկրանների վրա, որտեղ պիքսելային կիսատոնները կառավարելու միջոց չկա։ 

Հարթեցում և Hinting

Այնուհետև ինժեներները որոշեցին համատեղել հարթեցման և Hinting-ի տեխնիկաները։ Սա բարելավեց որոշ տառերի պատկերումը։ Հարթեցումը պատասխանատու էր կիսատոնների համար, իսկ Hinting-ը որոշում էր ինչը որ կողմ տեղափոխել՝ տառի ձևն ավելի բնական դարձնելու համար։ Օրինակ, տեսեք նույն տառը Hinting-ով հարթեցումից առաջ և հետո։ 

Ենթապիկսելային հարթեցում 

Սա ամենաթարմ մոտեցում ն է ՝ հարթեցում պիքսելների միջոցով։ Ենթապիքսելն այն է, ինչից կազմված է պիքսելը, կարմիր, կապույտ և կանաչ բաղադրիչները։ Եթե կարմիր պիքսել է անհրաժեշտ, ապա մեկ կարմիր ենթապիքսել միացված է, իսկ մնացածը չեն վառվում։ Եթե անհրաժեշտ է մանուշակագույնը, վառվում են կարմիրն ու կապույտը , իսկ սպիտակ գույնի համար պետք է վառվեն բոլոր երեք պիքսելները։ 

Պիքսելներ և ենթապիքսելներ ցուցադրման տարբեր մատրիցաներում

Ենթապիքսելների հարթեցման իմաստն այն է, որ կարող ենք ավելացնել պիքսելի մեկ երրորդը ամբողջի փոխարեն։ Սա տառն ավելի բնական կդարձնի։ Ահա մեկ օրինակ ՝

Տեքստ բարձր լուծաչափով (high resolution) մոնիտորների վրա։

2000-2010-ական թվականներին խոշոր էկրանների ստանդարտ չափն էր 72 դյույմ։ Սա բավական էր պատկերին մոտ կես մետր հեռավորությունից նայելու համար։ Բայց, երբ սմարթֆոններում օգտագործվում էր նման էկրան, պիքսելները տեսանելի էին, քանի որ հեռախոսը մենք ավելի մոտ ենք պահում մեր աչքերին։ 2010-ին Apple-ն առաջինն էր, որ սմարթֆոնի մեջ ներմուծեց բարձր լուծաչափով 326 դյույմ էկրան։ Դա արվել է, որպեսզի մարդիկ չնկատեն պիքսելները, երբ էկրանը պահեն աչքերից 20-30սմ․ հեռավորության վրա։ Տարբերությունն ակնհայտ էր․

Ստանդարտ 72 դյույմ էկրան

326 դյույմ Retina- էկրան

Նմանատիպ էկրանները տեղադրվեցին բոլոր սմարթֆոնների և պլանշետների վրա: Այժմ, նույնիսկ, դյուրակիր համակարգիչները, հաճախ, օգտագործում են 200 դյույմ լուծումներ։ Արդյունքում, այժմ էկրանի պատկերն ավելի լավ տեսք ունի․

Նույն գրառումը Photoshop-ում 72-ից 300 միավոր է վերահաշվարկվել։ Ստացվեց, որ մեկ հին պիքսելի համար այժմ կա 16 նոր միավոր։ 

Տառատեսակների մշակման և կատարելագործման արդյունքում նոր հորիզոններ բացվեցին նաև թվային ոլորտի մասնագիտությունների համար՝ գրաֆիկ դիզայն, վեբ դիզայն, վեբ կայքերի պատրաստում  և այլն։ 

Երկքայլ նույնականացումը կամ 2FA-ը օգտատիրոջ ինքնությունը հաստատելու մեթոդ է, որտեղ նույնականացման երեք հնարավոր գործոններից երկուսը միավորվում են ՝ վեբ կայք կամ հավելված մուտք տրամադրելու համար։ Այսօր կխոսենք այն մասին, թե ինչպես օգտվել համացանցից անվտանգ ՝ թույլ չտալով տեղեկատվության արտահոսք։

Ինչու՞ է ձեզ անհրաժեշտ երկքայլ նույնականացումը։ 

Միայն նույնականացման մեթոդները, ինչպիսիք են գաղտնաբառերը, պարզապես բավարար չեն այսօրվա բարդ հարձակումները դադարեցնելու համար։ Երկու քայլով նույնականացումն ապահովում է անվտանգության լրացուցիչ շերտ, որը հաքերների համար դժվարացնում է մուտք գործել անձի սարքեր և առցանց հաշիվներ՝ անձնական տվյալներ գողանալու համար։ Եթե օգտատերը կիրառել է երկգործոն նույնականացումը, ապա, եթե հաքերը, նույնիսկ, իմանա <<զոհի> գաղտնաբառը, նույնականացումը դեռ չի համարվի հաջողված և կկանխվի չարտոնված մուտքը։ 

Այժմ փորձենք միասին, քայլ առ քայլ, իրականացնել երկքայլ նույնականացում։ Եվ այսպես, 

1․ Բացեք ձեր Google հաշվի էջը

2․ Նավիգացիոն տողում ընտրեք ԱՆՎՏԱՆԳՈՒԹՅՈՒՆ բաժինը 

3․ Google Account-ի մուտքի բաժնում սեղմեք ԵՐԿՔԱՅԼ ՆՈՒՅՆԱԿԱՆԱՑՈՒՄ, այնուհետև՝ ՍԿՍԵԼ

4․ հետևեք էկրանի հրահանգներին։ 

Ինչպե՞ս հաստատել ձեր ինքնությունը երկրորդ փուլում։ 

Եթե միացնեք երկքայլ նույնականացումը, ապա ձեզանից կպահանջվի հաստատել ձեր ինքնությունը՝ հաշիվ մուտք գործելիս։ 

Կան վավերացման մի քանի տեսակներ, որոնք կարող են օգտագործվել այս փուլում։ 

Նույնականացման հնարավոր գործոնները՝

⦁ Գաղտնաբառ, PIN կամ գաղտնի հարց ։ Նույնականացման այս առաջադրանքն ավարտելու համար օգտատերը պետք է տրամադրի  տեղեկատվություն, որը համընկնում է այդ օգտատիրոջ կողմից նախկինում տրամադրված պատասխաններին, օրինակ՝ <<Ո՞րն է ձեր ծննդավայրը>>։

⦁ Հաջորդ գործոնը․ ներառում է ապարատային իսկորոշիչի կողմից ստեղծված մեկանգամյա գաղտնաբառի մուտքագրում։ Օգտատերերն իրենց հետ կրում են նույնականացման սարք, որը հրամանով կստեղծի մեկանգամյա գաղտնաբառ։ Այնուհետև օգտատերերը վավերացվում են ՝ ներկայացնելով կոդը։ Այսօր շատ կազմակերպություններ առաջարկում են ծրագրային ապահովման վրա հիմնված իսկորոշիչներ, որոնք կարող են տեղադրվել օգտատիրոջ շարժական սարքի վրա։ 

⦁ Երրորդ  գործոնը․ օգտատիրոջից պահանջվում է նույնականացման կենսաչափական տվյալներ։ Սա կարող է ներառել մատնահետքի, դեմքի սկանավորում, վարքագծային կենսաչափություն և այլն։ 

⦁ Ինտերնետային անվտանգության մեջ ամենաշատ օգտագործվող նույնականացման գործոններն են ինչ որ բան, որ ունի օգտատերը (օրինակ՝ բանկային քարտ) և ինչ-որ բան, որ գիտի օգտատերը (օրինակ՝ PIN-ը)։ Սա երկու գործոնով նույնականացում է։ 

Ինչպե՞ս է աշխատում երկքայլ նույնականացումը

Երբ մուտք գործեք ձեր էջ, ձեզ կառաջարկվի նույնականացում անցնել օգտատիրոջ ձեր անունով և գաղտնաբառով։ Սա դառնում է ձեր առաջին իսկորոշման գործոնը։ Նույնականացման երկրորդ գործոնի համար կարող եք օգտագործել՝ 

⦁ Մեկանգամյա գաղտնաբառ

⦁ Հաստատման կոդով տեքստային հաղորդագրություն, որն ուղարկվել է ձեր անձնական հեռախոսահամարին

⦁ Նույնականացման համար հատուկ բջջային հավելված, ինչպիսին է,  Google Authenticator-ը (iOS և Android)

⦁ USB կրիչ

Որտե՞ղ կարող եք օգտագործել երկքայլ նույնականացումը։

 Օգտատերերը պետք է ակտիվացնեն 2FA-ը երբ և որտեղ այն հասանելի է։ Ստորև ներկայացված են այն հավելվածները, որոնց դեպքում այն կիրառելի է․

⦁ առցանց բանկինգ

⦁ առցանց խանութներ (Amazon, PayPal, Google Play)

⦁ Էլ․ փոստ (Gmail, Microsoft, Yahoo, Outlook)

⦁ Պահեստավորման հաշիվներ (Apple, Dropbox, Box)

⦁ Սոցիալական ցանցերի հաշիվներ (Faceebook, Instagram, Linkedin, Tumblr, Twitter, Snapchat)

⦁ Արտադրաղականության հավելվածներ (Evernote, Trello)

⦁ Գաղտնաբառերի կառավարիչներ (LastPass)

⦁ Հաղորդակցման հավելվածներ (MailChimp, Skype, Slack)

Ձեր օգտանունի և գաղտնաբառի հետ համատեղ՝ արդյունքն ավելի ուժեղ և ճկուն անվտանգության լրացուցիչ շերտ է ապահովում։ Սարքավորման նշան կամ իսկորոշիչ հավելված օգտագործելու այս լրացուցիչ քայլը ոչ միայն բարդ խոչընդոտ է ներկայացնում հարձակվողների համար, այլև նվազեցնում է ֆիշինգային հարձակումների և խարդախությունների վտանգը։

Հաճախ, մարդիկ ովքեր ուղղակիորեն կապ չունեն գրաֆիկ դիզայն, վեբ դիզայն, գունավոր տպագրություն և հարակից այլ ոլորտների հետ, չեն կարող պատկերացնել, թե ինչու է իրենց ընտրած գույնը տարբերվում համակարգչին և թղթի վրա։ Ընտրել են մի գույն, իսկ, որպես վերջնական արդյունք , բոլորովին այլ գույն է պատկերվել։ Ինչպե՞ս լուծել այս խնդիրը և խուսափել տհաճ անակնկալներից։ Այսօր կխոսենք տպագրության գործիքներից երկուսի՝ RGB և CMYK մոդելների մասին։ Դրանք մասնագիտական գործիքներ են, որոնք ճշգրիտ պատկերում են գույնը մոնիտորի կամ թղթի տպագրության  համար։

Գունավոր տպագրության ժամանակ, երբ օգտագործում ենք համակարգչային գրաֆիկա, կիրառում ենք RGB մոդելը։ Իսկ նրանք, ովքեր զբաղվում են լուսանկարների և ամսագրերի տպագրությամբ, օգտագործում են CMYK-ը։ Այսօր կպարզենք, թե ինչով են այս երկուսը տարբերվում իրարից և ինչպես են դրանք աշխատում։

Մանկուց հիշում ենք, որ, եթե կարմիրն ու դեղինը խառնենք, կստացվի նարնջագույն , իսկ եթե խառնենք կապույտն ու դեղինը, կստացվի կանաչ։ Այս ներկերը խառնում էինք գունապնակի վրա և նկարում էինք։ 

Կարելի էր խառնել ոչ թե գունապնակի, այլ հենց թերթիկի վրա․ նկարել բաց կապույտ տերև, այնուհետև վրայով անցնել թափանցիկ դեղինով ու ստանալ կանաչ տերև։ Այսպես անում են ջրաներկով նկարելիս։ 

Մոտավորապես նույն կերպ են աշխատում բոլոր ժամանակակից տպիչներն ու տպագրական մեքենաները։ Դրանց մեջ մի քանի գույն է լցված։ 


Սկզբում տպիչն անցնում է մեկ գույնի միջով, այնուհետև մյուսի, հետո երրորդի՝ կարծես այս գույները խառնելով թերթիկի վրա։ Եվ, ստացվում են գունավոր պատկերներ։

 CMYK գունային մոդելն օգտագործվում է տպիչին ասելու համար, թե որ հատվածում ինչ գույն օգտագործի։ Այն մոդելավորում է գույների խառնումը թղթի վրա։ Առաջին երեք տառերն հիմնական գույների անուններն են․

Cyan- կապույտ

Magenta- մանուշակագույն 

Yellow- դեղին 

Այս գույները տարբեր չափաբաժիններով խառնելով, կարող ենք ստանալ ցանկացած գույնի երանգները։ 

CMYK-ը կիրառվում է տպագրական արտադրանքի մշակման համար, այսինքն՝ այն ամենի համար, ինչը տպագրվում է թղթի վրա։ Մոդելն ասում է տպիչին ՝ <<Այստեղ  ներկիր մանուշակագույնով, այնտեղ՝ կապույտով, իսկ այն մասում ամբողջը դեղինով ներկիր>>։ Եվ, եթե տպիչն ամեն ինչ ճիշտ է կիրառում, ստանում ենք մեզ անհրաժեշտ գունավոր պատկերը։ 

Սև գույնը ստանալու համար կարող եք խառնել բոլոր երեք հիմնական գույները։ Բայց, կա մի խնդիր․ թուղթը բավականին շատ ներկ կկլանի։ Եթե նկարում շատ սև կա, ապա թուղթը կարող է փափկել և փչանալ։ Ի դեպ, բոլոր գույները խառնելով մենք կստանանք ոչ թե սև, այլ, ավելի շուտ, կեղտոտ շագանակագույն։ 

Որոշվել է մոդելին սև գույն ավելացնել։ Ահա , թե ինչպես է հայտնվել CMYK մոդելը՝ Cyan, Magenta, Yellow, Black: Սևն օգտագործվում է տեքստ տպելու և պատկերների սև հատվածները լրացուցիչ ներկելու համար։ 

RGB 

Թղթի տպագրության դեպքում ամեն ինչ պարզ է, բայց էկրանի վրա ամեն ինչ այլ է։

Էկրանը լուսավոր պիքսելների մի փունջ է, որոնք այլ սկզբունքով են աշխատում։ Եթե տպագրության ժամանակ թղթի վրա ոչ մի կաթիլ ներկ չլցնենք, այն կմնա սպիտակ, մինչդեռ, եթե էկրանին ոչ մի պիքսել չմիացնենք, այն կմնա սև։ Բանն այն է, որ թուղթն արտացոլում է լույսը իսկ էկրանը ճառագայթում է այն։  

Մոնիտորի էկրանի յուրաքանչյուր պիքսել բաղկացած է երեք ենթապիքսելներից՝ կարմիր, կանաչ և կապույտ։ 

Ենթապիքսելներ համակարգչի կամ սմարթֆոնի էկրանի մատրիցայում։

Թղթի վրա, երբ թանաքը խառնում ենք, ավելի մուգ գույներ ենք ստանում, իսկ էկրանին հակառակն է՝ միաձուլման ժամանակ ստանում ենք ավելի վառ ու բաց գույներ։ Դա պայմանավորված է նրանով, որ միաձուլման ժամանակ մեծացնում ենք փայլուն պիքսելների և այն լույսի ծավալը, որն աչքը տեսնում է։ Արդյունքում, RGB-ի գույները կարող են լինել ավելի գրավիչ, ավելի վառ, հարուստ և կոնտրաստային։ Չէ՞ որ դուք ոչ թե արտացոլում, կլանում եք, այլ ճառագայթում եք գույնը։

Իսկ եթե բոլոր երեք ենթապիքսելները փայլեն 100% պայծառությամբ, ապա մենք կտեսնենք սպիտակ գույնը ⤵

Ինչու՞ պետք է դուք սա իմանաք

1․ Իմանալով  CMYK-ի բնույթը, դուք միշտ կհասկանաք, որ չեք կարող տպիչով գերվառ գույներ տպել։ Այն, ինչն էկրանին վառ և համարձակ տեսք ունի, թղթի վրա ավելի մուգ և հանգիստ կլինի։ Իսկ եթե թուղթը կատարյալ սպիտակ չէ, ապա  ավելի մուգ արդյունք կլինի։ 

2․ Տպագրության ենթակա փաստաթղթերը դուք անմիջապես CMYK մոդելով կպատրաստեք և կկարողանաք ստուգել ՝ արդյոք տպիչը լրացուցիչ գույներ կխառնի՞ ձեր սև տառերի մեջ։ 

3․Իսկ եթե անհրաժեշտ լինի շրջանցել տպագրված դասավորությունը համացանցում, կհասկանաք, որ ունեք պայծառության և հագեցվածության պաշար։ 

Գույների հետ խաղալ կարող եք ՏՏ բոլոր ոլորտներում ՝ գրաֆիկական պատկերների ստեղծում, վեբ կայքերի պատրաստում, փաթեթավորման դիզայնի ստեղծում, վեբ դիզայն և այլն։ Ձեզ մնում է միայն ազատ թողնել ձեր երևակայությունը, չէ՞ որ  թվային աշխարհն առաջարկում է բոլոր գործիքները, որպեսզի ամենահամարձակ մտահաղացումները արտատպեք էկրանին կամ թղթին։

Webstart digital group ընկերությունը մատուցում է գրաֆիկ և վեբ դիզայնի ծառայություններ։ Մեր մասնագետները պատրաստ են ապահովել ցանկացած կազմակերպության պրոդուկտները՝ տարբերվող դիզայներական լուծումներով։ Մանրամասների համար կապ հաստատիր մեզ հետ։

Չնայած տեխնոլոգիաների արագ զարգացմանը, շատերս դեռ չենք հասցրել հարմարվել նոր հասկացություններին՝ բլոքչեյն , NFT և այլն։ Այս նյութով որոշել ենք ծանոթացնել բլոքչեյն տեխնոլոգիաներին և, եթե ծրագրավորող ես, ցույց տալ, թե ինչպես կարող ես մասնագիտացումդ փոխել դեպի էլ ավելի արդիական ուղղություն։ Նախ պատասխանենք մի պարզ հարցի՝
Ի՞նչ է բլոքչեյնը

Բլոկչեյնը տվյալների բազայի տեսակ է, որն օգտագործվում է ինֆորմացիայի պահպանման և փոխանցման համար: Մեզ ծանոթ տվյալների բազաները տեղեկատվությունը դասավորում են ըստ տողերի և սյունակների, որոնք կազմում են աղյուսակներ: Սա հեշտացնում է ինֆորմացիայի դասակարգումը համակարգիչների համար: Բլոկչեյններով, սակայն, այն թվային ձևաչափով է և հավաքվում է կլաստերների կամ բլոկերի մեջ (block): Յուրաքանչյուր բլոկ ունի սահմանափակ պահեստային հզորություն:

Այդ հզորության լիմիտը հատելուց հետո բլոկը փակվում է և կրիպտոգրաֆիայի միջոցով կապվում է նախորդ բլոկին՝ ստեղծելով շղթա (chain): Կրիպտոգրաֆիան ստեղծում է անփոփոխ ժամանականիշ՝ կապելով մի բլոկը մյուսին (block+chain): Դասական տվյալների բազաները, մյուս կողմից, սովորաբար վերահսկվում են կենտրոնացված համակարգի կողմից:

Բլոկչեյնի հետ կապված գլխավոր հարցի պատասխանը ստացանք, սակայն ի՞նչ է բլոկչեյն ծրագրավորումը և արդյոք այն կապ ունի՞ մեզ հայտնի կայքերի ստեղծման հետ։

Ի՞նչ է բլոկչեյն ծրագրավորումը

Բլոկչեյն ծրագրավորումը վերաբերում է բլոկչեյն հավելվածների և համակարգերի ստեղծմանը: Ընդհանուր առմամբ, այն ձգտում է օգտագործել բլոկչեյն տեխնոլոգիայի բոլոր  եզակի առանձնահատկությունները՝ առկա խնդիրները լուծելու և նոր հնարավորություններ ստեղծելու համար:

Բլոկչեյնի ծրագրավորման օրինակ է smart պայմանագիրը: Դրանք համաձայնագրեր են երկու կողմերի միջև, ինչպես սովորական պայմանագրերը: Սակայն, ի տարբերություն սովորական պայմանագրերի, խելացի պայմանագրերը նաև բլոկչեյնում պահվող ծրագրեր են: Այս ծրագրերը գործարկվում են միայն այն դեպքում, երբ երկու կողմերն էլ կատարում են համաձայնագրի պայմաններն ու պահանջները: Այս ավտոմատացված համաձայնագիրն ապահովում է պայմանագրի ճիշտ կատարումը հենց տվյալ ժամանակում:

Smart պայմանագրերի դեպքում կարիք չկա, որպեսզի երրորդ կողմը հաստատի այն (օրինակ՝ իրավաբան կամ գանձապահ)։

Ի՞նչ է անում բլոկչեյն ծրագրավորողը

Նա software ծրագրավորող է, ով կենտրոնացած է հիմնականում բլոքչեյն տեխնոլոգիաների վրա։ Կա blockchain developer-ների 2 հիմնական մասնագիտացում՝

1․ Core բլոքչեյն ծրագրավորող

Բլոքչեյն համակարգի նախագծումն ու ծրագրավորումն ամբողջովին այս մասնագետների պատասխանատվությունն է։ Նրանք նախագծում են պրոտոկոլները, մշակում են անվտանգության օրինաչափություններ և վերահսկում են ամբողջ համակարգը։

2․ Բլոքչեյնի ծրագրային ապահովման ստեղծող

Blockchain-ի ծրագրային ապահովման ծրագրավորողները հավելվածներ են ստեղծում արդեն գոյություն ունեցող բլոկչեյն հարթակների համար: Նրանք զբաղվում են front-end և back-end ծրագրավորմամբ, ինչպես նաև սպասարկմամբ։

Ինչպե՞ս դառնալ բլոկչեյն ծրագրավորող

Եթե դու առհասարակ չգիտես ծրագրավորում, ապա անհրաժեշտ է նախ կոդավորում սովորել։ Կարող ես մի որոշ ժամանակ աշխատել որպես full-stack ծրագրավորող, այնուհետև կարելի է կենտրոնանալ բլոքչեյն տեխնոլոգիաների վրա։

Ահա անհրաժեշտ skill set-ը, որը հարկավոր է այս մասնագիտությանը լավագույնս տիրապետելու համար՝

  1. Ծրագրավորում

    Այս կետն իր մեջ ներառում է նաև ծրագրավորման համար կարևոր լեզուները, որոնց մասին տեղեկություն կարող ես գտնել մեր բլոգի նյութում:
  2. Կրիպտոգրաֆիա

    Կրիպտոգրաֆիան բլոկչեյն տեխնոլոգիայի անբաժանելի բաղադրիչն է: Այն պաշտպանում է տեղեկատվությունը` ապահովելով, որ հաղորդագրության բովանդակությունը տեսնի միայն ստացող կողմը:

  3. Smart պայմանագրեր

    Այս կետի կարևորության մասին արդեն խոսեցինք նյութի սկզբում։

  4. Տվյալների կառուցվածքի մասին գիտելիքներ

    Բլոքչեյն ծրագրավորողն աշխատելու է շատ տարբեր կառուցվածք ունեցող տվյալների հետ, այնպես որ պարտադիր է դրանց մասին տեղեկություններ և պրակտիկ գիտելիքներ ձեռք բերել։

  5. Բլոքչեյնի կառուցվածքի մասին գիտելիքներ

    Բլոկչեյնի յուրաքանչյուր տեսակի մասին պատկերացում կազմելն օգտակար է  հետագայում սեփական կարիերայի կենտրոնացման ոլորտը բացահայտելու համար: Ներկայումս բլոկչեյն կառուցվածքի չորս տեսակ կա՝ հանրային, մասնավոր, կոնսորցիումային և հիբրիդային:

Մենք միտումնավոր ոչինչ չենք գրել բլոքչեյն ծրագրավորողի աշխատավարձի չափի մասին, որպեսզի իմանալով, թե ինչ է բլոքչեյնը, հասկանաս մոտիվացիա ունե՞ս այս ոլորտ մուտք գործելու, թե ոչ։ Բլոքչեյնը շատ քմահաճ է և պահանջում է անընդհատ թարմացումներին հետևել, ինչպես նաև սիրել ոլորտն ու խիստ տեղեկացված լինել։ Եթե այս ամենը քեզ հարազատ է, ապա հաջողություն ենք մաղթում կարիերայիդ զարգացման մեջ։

Եթե այլ հետաքրքիր նյութեր ես ցանկանում կարդալ, այցելիր մեր բլոգ և բաժանորդագրվիր․ ամենահետաքրքիրը դեռ առջևում է։

Բիզնես կայքերի ավելացման հետ մեկտեղ՝ թվային աշխարհին անհրաժեշտ մասնագիտություններն օրեցօր ավելանում են։ Այսօր խոսելու ենք Եվրոպայում բավականին մեծ պահանջարկ վայելող, արդեն նաև Հայատանում հայտնիություն ձեռք բերող երկու մասնագիտությունների մասին, որոնք շատ հաճախ շփոթում են։ Եվ այսպես, ինչպե՞ս տարբերել data science-ը data analytics-ից։ Եվ առհասարակ ի՞նչ են անում այդ մասնագետները։

Ի՞նչ է տվյալների գիտությունը (Data Science)

Այս հարցին պատասխանելու լավագույն միջոցը Վենի դիագրամն է: Հյու Կոնուեյի կողմից 2010 թվականին ստեղծված այս Վենի դիագրամը բաղկացած է երեք շրջանակներից՝ մաթեմատիկա և վիճակագրություն, խորը ուսումնասիրություն և հաքերային հմտություններ: Ըստ էության, եթե դու կարող ես անել բոլոր երեքը, ապա արդեն բավականաչափ գիտելիքներ ունես տվյալների գիտության ոլորտում:

Տվյալների գիտությունը հայեցակարգ է, որն օգտագործվում է տվյալների հոսքի դեմ պայքարելու համար և ներառում է տվյալների զտում, պատրաստում և վերլուծություն: Data Analyst-ը տվյալներ է հավաքում բազմաթիվ աղբյուրներից և կիրառում է machine learning՝ հավաքագրված տվյալներից կարևոր տեղեկատվություն հանելու համար: Այս մասնագետն ուսումնասիրում է տվյալները բիզնեսի տեսանկյունից և կարող է ապահովել ճշգրիտ կանխատեսումներ, որոնք կարող են օգտագործվել կարևոր բիզնես որոշումներ կայացնելու համար:

Ի՞նչ է անհրաժեշտ Data Scientist դառնալու համար

Յուրաքանչյուրն, ով հետաքրքրված է այս ոլորտում ամուր կարիերա կառուցելու հարցում, պետք է ձեռք բերի անալիտիկ ​​հմտություններ երեք բաժիններում՝ վերլուծություն, ծրագրավորում և դոմեյնի մասին գիտելիքներ: Եթե մանրամասնենք, ապա հետևյալ հմտությունները կօգնեն քեզ դառնալ տվյալների գիտնական՝

  • Python, SAS, R, Scala-ի լավ իմացություն
  • SQL տվյալների բազայի կոդավորման գործնական փորձ
  • Տարբեր աղբյուրներից տվյալների հետ աշխատելու ունակություն, ինչպիսիք են տեսանյութերը և սոցիալական լրատվամիջոցները
  • Հասկանալ բազմաթիվ վերլուծական գործառույթներ
  • Machine learning-ի լավ իմացություն

Ի՞նչ է տվյալների վերլուծությունը (Data Analytics)

Տվյալների վերլուծաբանը, սովորաբար, այն մարդն է, ով կարող է կատարել հիմնական վիճակագրություն, դուրս բերել տվյալները և փոխանցել դրանք եզրակացությունների համար: Նրանք պետք է ունենան վիճակագրության մասին տարրական պատկերացում, կատարյալ տիրապետեն database-երի հետ աշխատանքին, կարողանան նոր հեռանկարների հնարվորություններ տեսնել և ստեղծել դրանց համար անհրաժեշտ պայմաններ, ինչպես նաև կարողանան տվյալները պատկերավոր վերարտադրել: Տվյալների վերլուծությունը կարելի է կոչել տվյալների գիտության կարևոր գործառույթներից մեկը:

Ի՞նչ է անհրաժեշտ Data Analyst դառնալու համար

Տվյալների վերլուծաբանը պետք է կարողանա վերցնել կոնկրետ հարց կամ թեմա, քննարկել, թե ինչպիսի տվյալներ են հարկավոր և ներկայացնել այդ տվյալները ընկերության համապատասխան շահագրգիռ կողմերին: Եթե ​​ցանկանում ես փորձել քեզ տվյալների վերլուծաբանի դերում, քեզ անհրաժեշտ է ձեռք բերել այս չորս հիմնական հմտությունները՝

  • Մաթեմատիկական վիճակագրության իմացություն
  • R-ի և Python-ի լավ իմացություն
  • Տվյալների համեմատություն
  • Պատկերացում PIG/ HIVE-ի մասին

Data Science vs Data Analytics

Իրականում, data science-ը համապարփակ տերմին է, որն ընդգրկում է data analytics-ը, data mining-ը, machine learning-ը և մի քանի այլ հարակից թեմաներ: Մինչ տվյալների գիտնականից ակնկալվում է անցյալի օրինաչափությունների, թվերի և այլ տվյալների հիման վրա կանխատեսել ընկերության, ոլորտի կամ կոնկրետ ծառայության ապագան, տվյալների վերլուծաբանը պատկերացումներ է քաղում տվյալների ամենատարբեր աղբյուրներից:

Կարճ ասած, տվյալների գիտնականը նոր հարցեր է ստեղծում, մինչդեռ տվյալների վերլուծաբանը գտնում է առկա հարցերի պատասխանները:

Ինչպես տեսանք, այս երկու մասնագիտությունները սերտ փոխկապակցված են միմյանց հետ և տիրապետելով մեկին, կարող ես հեշտությամբ տիրապետել նաև մյուսին։

Բաժանորդագրվիր մեր բլոգին՝ այս և թվային աշխարհի այլ հետաքրքիր նորությունների մասին տեղեկացված լինելու համար։

Որոշ մարդիկ ավելի լավ են ընկալում ցանկացած իֆորմացիա, երբ այն ներկայացվում է վիդեո կամ աուդիո ֆորմատով: Շատերի համար, սակայն, հին ու բարի գրքերը դեռևս սովորելու նախընտրելի մեթոդն են: Եթե որոշել ես web ծրագրավորում սովորել, սակայն չգիտես, թե որ գրքերն ընտրել, ապա տես ստորև բերված մեր ցուցակը։

Web ծրագրավորում գրքեր հայերեն գտնելն այսօր գրեթե անհնար է, և մեր ցուցակը միգուցե 2 գրքից բաղկացած լիներ (նշիր մեկնաբանությունների դաշտում, եթե ավելի շատ ծրագրավորման գրքեր գիտես մեր մայրենի լեզվով), եթե որոշեինք միայն հայերեն լեզվով թարգմանությունները ներկայացնել։ Սակայն կարծում ենք, որ վեբ ծրագրավորում ուսումնասիրելու և ոլորտի մեջ մասնագիտանալու համար շատ կարևոր է իմանալ անգլերեն լեզուն։ Այնպես որ այստեղ ներկայացված բոլոր գրքերը լինելու են անգլերեն։

1․Web Design with HTML, CSS, JavaScript and jQuery Set

Բազմիցս խոսել ենք վերոնշյալ լեզուների կարևորության և նշանակության մասին։ Պարզապես ավելացնենք, որ այս 2 գրքերից բաղկացած հավաքածուն վեբ դիզայներների և front-end ծրագրավորողների համար իդեալական հարթակ են, հատկապես, եթե ցանկանում ես տիրապետել HTML-ին և CSS-ին՝ նախքան JavaScript-ին և jQuery-ին անցնելը:

2․Learn JavaSript Visually

Սա կարճ և հետաքրքիր գիրք է այն մարդկանց համար, ովքեր սովորում են տեսողական հիշողությամբ: Գիրքը հարուստ է գունավոր նկարազարդումներով, խնդիրներով և սխեմաներով, որոնք ավելի հեշտ են ընկալվում։ JavaScript-ի այս վիզուալ ուղեցույցի մեկ էջը, շնորհիվ ինֆորմացիայի խտության և մատուցման ձևի, համարժեք է սովորական գրքի մեկ գլխի։

Ի դեպ, Learn VIsually շարքն ունի նաև Python լեզվի համար նույն գրքից

3․Road To React: Your Journey To Master React.js in JavaScript

Գիրքը ներկայացնում է React-ը զրոյից և քայլ առ քայլ ծանոթացնում մանրուքներին։: Յուրաքանչյուր գլուխ հիմնվում է նախորդ գլխից ստացված գիտելիքների վրա: Բացի այդ, յուրաքանչյուր գլխի վերջում կան վարժություններ, որոնք ամրապնդում են սովորած դասերը:

«The Road to React»-ում նաև կիմանաս React.js-ի հիմունքների մասին՝ քայլ առ քայլ ստեղծելով լիարժեք React հավելված: Իսկ մինչ դու ստեղծում ես քո առաջին հավելվածը, յուրաքանչյուր գլուխ կներկայացնում է նոր React հիմնական key: Այնուամենայնիվ, այստեղ հիմունքներից ավելի շատ ինֆորմացիա կա. գիրքը նաև ծանոթացնում է հարակից թեմաներին (օրինակ՝ React with TypeScript, Testing, Performance Optimizations)։ Փաստացի, երբ ավարտես գրքի ընթերցանությունը, դու կունենաս աշխատող React հավելված: Հարկավոր է միայն կատարել համապատասխան քայլերը՝ գրքին զուգահեռ։

4․ Fullstack Vue: The Complete Guide to Vue.js

Vue-ն մեկ այլ հայտնի JavaScript framework է: Այն հարմար է middle և senior ծրագրավորողների համար, ովքեր արդեն տիրապետում են JavaScript-ի հիմունքներին և աշխատել են JS-ով: Գիրքը կարդալուց հետո գիտելիքները կիրառելու դեպքում կարող ես գերազանց տիրապետել Vue-ի framework-ին։ Ի դեպ, այս գիրքը ևս լի է գործնական օրինակներով և վարժություններով, որոնք ընդգրկում են Vue-ի բոլոր մանրուքները: Գրքի վերջում դու կիմանաս, թե ինչպես ստեղծել զամբյուղ, ստեղծել օրացույցային հավելված, ֆորմաները վալիդացիա անել և այլն:

5. Don’t Make Me Think, Revisited: A Common Sense Approach to Web Usability

Այս գիրքը UX UI դիզայնի մասին է։ Վերնագիրն ասում է ամեն ինչ՝ “Մի ստիպիր, որ ես մտածեմ”։ Եվ իրոք, օգտատերը չի սիրում երկար մտածել։ Գիրքը ներկայացված է սրամիտ, դինամիկ և գործնական լեզվով։ Այնպես, որ ոչ մի վեբ դիզայներ չի հոգնի այն կարդալուց։ Ինչու ոչ, այս գիրքը must-read է նաև թվային մարքեթինգի մասնագետների, վեբ քոնթենթ գրողների համար։ 

Այս գրքերը նաև կօգնեն քեզ խորացնել գիտելիքներդ ծրագրավորման մեջ, ինչպես նաև տեղեկացված լինել ոլորտի թարմացումներից։ Իսկ ծրագրավորման և հարակից թեմաներին ավելի լավ ծանոթանալու համար կարող ես բաժանորդագրվել մեր բլոգին։